News March 15, 2025
బాసరలో వెయ్యి ఏళ్ల నాటి విగ్రహాలు
బాసర సరస్వతి నిలయంగా పేరుగాంచిన పాపహారేశ్వర స్వామి దేవాలయం వద్ద వేయ్యి ఏళ్ల నాటి విగ్రహాలు ఆదరణ లేకుండా నిర్లక్ష్యంగా పడి ఉన్నట్లు పురావస్తు పరిశోధకులు, ప్లీచ్ ఇండియా ఫౌండేషన్ సీఈఓ డా.శివనాగిరెడ్డి తెలిపారు. తెలంగాణ చరిత్ర బృందం సభ్యులు, స్థానిక చరిత్రకారులు శుక్రవారం ఆలయ పరిసరాలను పరిశీలించారు. అక్కడ చారిత్రక ఆనవాళ్లు, విగ్రహాలు, శాసనాలు ఉన్నట్లు గుర్తించి వాటిని పరిశీలించారు.
Similar News
News March 15, 2025
ఆదిలాబాద్ జిల్లాలో కత్తి పోట్ల కలకలం
ఆదిలాబాద్ జిల్లా బోరాజ్ మండలం గూడ రాంపూర్‌లో శుక్రవారం రాత్రి కత్తిపోట్ల ఘటన కలకలం రేపింది. గ్రామంలో ఇద్దరు వ్యక్తుల మధ్య గొడవ చోటు చేసుకుంది. ఒక వ్యక్తిపై మరో వ్యక్తి కత్తితో దాడి చేశాడు. ఈ క్రమంలో అడ్డుకోబోయిన మరో వ్యక్తి కూడా కత్తి పోట్లకు గురయ్యాడు. ఇద్దరిని రిమ్స్‌కు తరలించారు. డీఎస్పీ జీవన్ రెడ్డి, సీఐ సాయినాథ్ ఘటనపై దర్యాప్తు చేపట్టారు. తాగిన మత్తులో ఘర్షణ జరిగినట్లు సమాచారం.
News March 15, 2025
ధర్మపురి లక్ష్మీనరసింహస్వామి ఆలయ ఆదాయ వివరాలు
జగిత్యాల జిల్లాలో ప్రసిద్ధ ధర్మపురి లక్ష్మీనరసింహస్వామి ఆలయానికి శుక్రవారం రూ.14,57,210 ఆదాయం సమకూరినట్లు ఆలయాధికారులు తెలిపారు. అందులో వివిధ కార్యక్రమాలు టికెట్లు అమ్మకం ద్వారా రూ.6,22,558, ప్రసాదాల అమ్మకం ద్వారా రూ.6,77,850, అన్నదానానికి రూ.1,56,802 వచ్చినట్లు ఆలయ కార్య నిర్వాహణాధికారి సంకటాల శ్రీనివాస్ ప్రకటన ద్వారా ప్రజలకు తెలిపారు.
News March 15, 2025
WPL: ఫైనల్ విజేత ఎవరో?
నేడు WPL ఫైనల్‌లో ఢిల్లీ క్యాపిటల్స్‌, ముంబై ఇండియన్స్ అమీతుమీ తేల్చుకోనున్నాయి. ఈ సారి ఎలాగైనా కప్పు కొట్టాలని ఢిల్లీ, రెండో ట్రోఫీ ఖాతాలో వేసుకోవాలని ముంబై ఉవ్విళ్లూరుతున్నాయి. ఆల్‌రౌండర్లు నాట్ సీవర్, హేలీ మాథ్యూస్‌లతో ముంబై టీమ్ స్ట్రాంగ్‌గా ఉంది. ఈ సీజన్‌లో ముంబైపై ఢిల్లీదే ఆధిపత్యం. కాగా మ్యాచ్ రా.8.00 గంటలకు ప్రారంభం కానుంది. జియో హాట్ స్టార్, స్టార్ స్పోర్ట్స్‌లలో లైవ్ చూడవచ్చు.