News April 9, 2024
బోధన్: ‘కుట్రపూరితమైన స్వార్థ రాజకీయాలు చేసేది బీజేపీ’
బోధన్ పట్టణంలో కాంగ్రెస్ కార్యకర్తల ఆత్మీయ సమ్మేళన కార్యక్రమాన్ని నిర్వహించారు. నిజామాబాద్ కాంగ్రెస్ ఎంపీ అభ్యర్థి జీవన్ రెడ్డి మాట్లాడుతూ.. కుట్రపూరితమైన స్వార్థ రాజకీయాలు చేసే పార్టీ బీజేపీ అని.. కుల మత విభేదాలు లేకుండా నాయకత్వం ఉన్న పార్టీ కాంగ్రెస్ పార్టీ అని అన్నారు. గెలుపు ఓటమిలు కార్యకర్తల లక్ష్యాన్ని బట్టి ఉంటాయన్నారు. ఈ కార్యక్రమంలో బోధన్ ఎమ్మెల్యే సుదర్శన్ రెడ్డి, నాయకులు ఉన్నారు.
Similar News
News November 17, 2024
మోస్రా: ప్రమాదవశాత్తు కాలువలో జారి పడి వ్యక్తి మృతి
మోస్రా మండలం తిమ్మాపూర్ గ్రామంలో ప్రమాదవశాత్తు కాలువలో పడి వ్యక్తి మృతి చెందాడు. పోలీసుల వివరాల ప్రకారం.. తిమ్మాపూర్ గ్రామానికి చెందిన పెద్దిగారి శోభన్(40) తన పొలంలో నారు మడికి నీరు పెట్టడానికి వెళ్లి ప్రమాదవశాత్తు కాలువలో పడి మృతి చెందాడు. మృతుడి భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ గోకల రమేశ్ తెలిపారు.
News November 17, 2024
ఆర్మూర్: మానవత్వం చాటుకున్న ASI సలీం
ASI సలీం మానవత్వాన్ని చాటుకున్నారు. ఆర్మూర్ పట్టణంలోని ఓ పరీక్షా కేంద్రంలో గ్రూప్-3 పరీక్ష రాయడానికి ఓ మహిళ తన కుమారుని తీసుకొని వచ్చింది. పరీక్ష రాసేందుకు పరీక్ష కేంద్రానికి రాగా ఆమె బంధువులు తనతో ఎవరూ లేరు. బాబుని పరీక్షా కేంద్రంలోకి అనుమతించలేదు. అక్కడ డ్యూటీలో ఉన్న ఆర్మూర్ పోలీస్ స్టేషన్ ASI సలీం బాబు తండ్రి వచ్చేవరకు తన వద్ద ఉంచుకున్నారు. అనంతరం బాబును తండ్రి వచ్చిన తర్వాత అప్పగించారు.
News November 17, 2024
NZB: పరీక్ష కేంద్రాలకు ఆలస్యంగా అభ్యర్థులు
నిజామాబాద్‌లోని ఉమెన్స్ కళాశాల గ్రూప్ -3 పరీక్షా కేంద్రం వద్ద అభ్యర్థులు ఆలస్యంగా రావడంతో వారిని అధికారులు అనుమతించలేదు. సమయం పూర్తి కావడంతో కేంద్రం గేట్లు మూసేశారు. ముబారక్ నగర్ నుంచి ఒకరు, కామారెడ్డి నుంచి ఒకరు మొత్తం ఇద్దరు అభ్యర్థులు పరీక్షకు ఆలస్యంగా వచ్చి కేంద్రం గేట్లు మూసి ఉండటంతో నిరాశతో వెనుదిరిగారు.