News April 3, 2025

మంత్రి సీతక్క నేడి పర్యటన వివరాలు

image

రాష్ట్ర పంచాయతీరాజ్ మహిళా శిశు సంక్షేమ శాఖ మంత్రి సీతక్క గురువారం ములుగు జిల్లాలో పర్యటించనున్నారు. ఉదయం 7 గంటలకు తాడువాయిలోని పాఠశాలలో కంప్యూటర్ ల్యాబ్‌ను ప్రారంభించనున్నారు. అనంతరం మంగపేట, ఎటూరు నాగారం, కన్నాయిగూడెం మండలాల్లో సన్న బియ్యం పంపిణీతో పాటు, పలు అభివృద్ధి కార్యక్రమాలను మంత్రి ప్రారంభించనున్నారు. అనంతరం సాయంత్రం 6.30గంటలకు ములుగు చేరుకుంటారు.

Similar News

News April 4, 2025

తుర్కపల్లి: పంట పొలాలను పరిశీలించిన కలెక్టర్

image

తుర్కపల్లి మండలంలో కురిసిన అకాల వర్షాల వల్ల నష్టం జరిగిన పంట పొలాలను కలెక్టర్ హనుమంతరావు శుక్రవారం పరిశీలించారు. రైతులతో మాట్లాడి నష్టపోయిన పంటల వివరాలను తెలుసుకున్నారు. మామిడి తోటలకు తీవ్ర నష్టం వాటిలిందని రైతులు కలెక్టర్ దృష్టికి తీసుకువెళ్లారు. కాగా క్షేత్రస్థాయిలో పరిశీలించి పంట నష్టం వివరాలను అంచనా వేయాలని వ్యవసాయ అధికారులను ఆయన ఆదేశించారు.

News April 4, 2025

IIT హదరాబాద్‌కు విరాళమిస్తే నో టాక్స్

image

ప్రముఖ విద్యాసంస్థ ఐఐటీ హైదరాబాద్‌కు విరాళమిచ్చే వారికి ప్రభుత్వం గుడ్ న్యూస్ ప్రకటించింది. ఈ విద్యా సంస్థకు విరాళం ఇస్తే ఆ మొత్తానికి సంబంధించి టాక్స్ చెల్లించాల్సిన అవసరం లేదని తెలిపింది. గతంలో 50% పన్ను చెల్లించాల్సి ఉండేది. అయితే ఇపుడు ఐటీ యాక్ట్ సెక్షన్ 80జీ ప్రకారం విరాళాలు టాక్స్ ఫ్రీ అని ఐఐటీహెచ్ డైరెక్టర్ ప్రొ.బీఎస్ మూర్తి తెలిపారు.

News April 4, 2025

15th ఫైనాన్స్‌కు మహబూబ్‌నగర్ కార్పొరేషన్ ఎంపిక

image

కేంద్ర ప్రభుత్వం మున్సిపల్ కార్పొరేషన్లకు గ్రాంట్లు ఇచ్చేందుకు ప్రవేశపెట్టిన 15వ ఫైనాన్స్‌కు ఈసారి మన మహబూబ్‌నగర్ నగరపాలక సంస్థ ఎంపికైంది. ఈ ఎంపికను ఆస్తి పన్నులను 21 శాతం వసూలు చేయడంతో కేంద్ర ప్రభుత్వం పాలమూరుకు అవకాశం కల్పించింది. ఇక నేడో రేపో మహబూబ్‌నగర్ నగర పాలక సంస్థకు రూ.30 కోట్ల గ్రాంట్స్‌ని కేంద్ర ప్రభుత్వం విడుదల చేయనుంది. దీంతో పట్టణంలో అభివృద్ధి పనులు వేగవంతం కానున్నాయి.

error: Content is protected !!