News April 5, 2025
ములుగు: ధాన్యం సేకరణపై అడిషనల్ కలెక్టర్ సమీక్ష
రబి 2024-25 కాలానికి సంబంధించి ధాన్యం సేకరణ కొరకు ములుగు జిల్లా అడిషనల్ కలెక్టర్ మహేందర్ జీ రైస్ మిల్లర్లతో సమావేశం నిర్వహించారు. అడిషనల్ కలెక్టర్ మాట్లాడుతూ.. రబీ ధాన్యం సేకరణలో అందరు రైస్ మిల్లర్లు పాల్గొనాలని ఆదేశించినారు. 7 బాయిల్డ్ మిల్లుల్లో ధాన్యం సేకరణలో పాల్గొనడానికి సిద్ధంగా ఉన్నట్లు తెలిపారు. మిగతా రా రైస్ మిల్లర్స్ సైతం కొందరు ధాన్యం సేకరణలో పాల్గొంటారన్నారు.
Similar News
News April 5, 2025
గుంటూరులో సిటీ బస్సుకు నిప్పంటించిన దుండగులు
బృందావన్ గార్డెన్స్‌లో శుక్రవారం సాయంత్రం ఓ ఘ‌ట‌న కలకలం రేపింది. ఆటలాడుకుంటూ వేంకటేశ్వర స్వామి గుడి వద్దకు వచ్చిన ఇద్దరు మైనర్లు పార్కింగ్‌లో ఉన్న సిటీ బస్సులోకి ఎక్కి ఇంజిన్ ఆయిల్ పోసి నిప్పంటించడంతో బస్సు కాలిపోయింది. మంటలు పక్కనే ఉన్న మరో బస్సును కూడా తాకాయి. ఫైర్ సిబ్బంది వెంటనే స్పందించి మంటలను అదుపు చేశారు. ఘటనపై విచారణ చేపట్టిన పట్టాభిపురం పోలీసులు, నిప్పంటించిన మైనర్లను గుర్తించారు.
News April 5, 2025
రంగరాజన్‌పై దాడి కేసు నిందితుడికి బెయిల్
TG: చిలుకూరు బాలాజీ టెంపుల్ ప్రధాన అర్చకులు రంగరాజన్‌పై దాడికి పాల్పడిన కేసులో ప్రధాన నిందితుడు వీర‌రాఘవ రెడ్డికి HYD రాజేంద్ర నగర్ కోర్టు బెయిల్ మంజూరు చేసింది. ఈ సందర్భంగా రూ.15 వేలతో రెండు పూచీకత్తులు సమర్పించాలని ఆదేశించింది. ఈ కేసులో వీరరాఘవను మొయినాబాద్ పోలీసులు ఫిబ్రవరి 8న అరెస్ట్ చేసి రిమాండ్‌కు తరలించారు. తన రిమాండ్‌ను సవాల్ చేస్తూ ఇతను హైకోర్టులోనూ పిటిషన్ దాఖలు చేశారు.
News April 5, 2025
ముదినేపల్లి: రోడ్డు ప్రమాదంలో విద్యార్ధి మృతి
కాకినాడ(D) గండేపల్లి హైవేపై జరిగిన రోడ్డు ప్రమాదంలో గాయపడ్డ డిగ్రీ విద్యార్థి బాడవుల కేదార్ మణికంఠ(21) చికిత్స పొందుతూ శుక్రవారం మృతి చెందాడు. గండేపల్లి ఎస్సై శివ నాగబాబు వివరాల ప్రకారం.. ఏలూరు(D) ముదినేపల్లికి చెందిన మణికంఠ రాజమండ్రిలో చదువుతున్నాడు. ఫ్రెండ్ విష్ణువర్ధన్‌తో కలిసి బిర్యానీ తినేందుకు వెళ్లి తిరిగి వస్తుండగా గండేపల్లి శివారులో ఎదురుగా వస్తున్న బైకు ఢీకొట్టడంతో ప్రమాదం జరిగింది.