News March 31, 2024
మోర్తాడ్: పెద్దమ్మతల్లి ఆలయంలో చోరీ
మోర్తాడ్ మండలంలోని వడ్యాట్ రోడ్డు వద్ద ఉన్న పెద్దమ్మతల్లి ఆలయంలో చోరీ జరిగినట్లు స్థానికులు తెలిపారు. గుర్తు తెలియని దుండగులు గుడి తాళాలు పగలగొట్టి చోరీకి పాల్పడినట్లు పేర్కొన్నారు. అమ్మవారి బంగారు ముక్కుపుడక, బొట్టు బిల్ల , హుండీలోని డబ్బులు సుమారు రూ.6వేలు దొంగలించినట్లు వెల్లడించారు. పోలీసుల ఘటనపై కేసు నమోదు చేసి దర్యాప్తు చేస్తున్నారు.
Similar News
News January 31, 2025
NZB: డిచ్పల్లి పాఠశాలలను తనిఖీ చేసిన కలెక్టర్
డిచ్పల్లి మండలం సుద్దపల్లిలోని సాంఘిక సంక్షేమ బాలికల రెసిడెన్షియల్ పాఠశాలను, సుద్దులంలోని జడ్పీ హైస్కూల్‌ను కలెక్టర్ రాజీవ్ గాంధీ హనుమంతు సందర్శించారు. సుద్ధపల్లి రెసిడెన్షియల్ పాఠశాలలో కిచెన్, డార్మెటరీ, డైనింగ్ హాల్ పరిశీలించారు. బాలికల కోసం వండిన అన్నం, పప్పు, ఆహార పదార్థాల నాణ్యతను తనిఖీ చేశారు. బియ్యం నిల్వలు, సరుకుల స్టాక్‌ను పరిశీలించారు. కూరగాయలు భద్రపర్చకపోవడంపై సిబ్బందిపై మండిపడ్డారు.
News January 31, 2025
NZB: పసుపుబోర్డు ఛైర్మన్‌గా బాధ్యతలు చేపట్టిన పల్లె గంగారెడ్డి
జాతీయ పసుపుబోర్డు ఛైర్మన్‌గా పల్లె గంగారెడ్డి శుక్రవారం ఢిల్లీలో అధికారికంగా బాధ్యతలు స్వీకరించారు. నిజామాబాద్ ఎంపీ అర్వింద్ ధర్మపురి సమక్షంలో ఆయన తొలి సంతకం చేయగా ఎంపీ ఆయనను అభినందించారు. పల్లె గంగారెడ్డి మాట్లాడుతూ.. కేంద్ర ప్రభుత్వ సహకారంతో పసుపు రైతుల సంక్షేమం కోసం పాటు పడతానని పేర్కొన్నారు.
News January 31, 2025
NZB: పట్టభద్రులు మేల్కోండి… నేడే చివరి రోజు
ఉమ్మడి నిజామాబాద్,కరీంనగర్, మెదక్, అదిలాబాద్ జిల్లా పట్టభద్రుల మండలి ఎన్నికల షెడ్యూల్ విడుదలైన విషయం తెలిసిందే. ఇప్పటికే పోటీ చేస్తామనుకున్న వారు క్షేత్ర స్థాయిలో ప్రచారం నిర్వహిస్తున్నారు. పట్టభద్రులను, ఉపాధ్యాయులను కలుస్తూ ఓటరుగా నమోదు చేసుకోవాలని సూచిస్తున్నారు. పట్టభద్రుల ఓటర్ నమోదుగా దరఖాస్తుల స్వీకరణ నేటితో ముగియనుంది. ఎమ్మెల్సీ ఎన్నికల ముందు ఓటర్ నమోదుకు ఇదే చివరి అవకాశం కానుంది.