News January 30, 2025
రథసప్తమికి నారా లోకేశ్‌కు ఆహ్వానం: గొండు శంకర్
దేశంలోనే ఎంతో పేరు ప్రఖ్యాతలు పొందిన అరసవల్లి సూర్యనారాయణ స్వామి రథసప్తమి వేడుకలకు రాష్ట్ర మంత్రి నారా లోకేశ్‌ను శ్రీకాకుళం ఎమ్మెల్యే గొండు శంకర్ గురువారం మంగళగిరిలో ఆహ్వనించారు. రాష్ట్ర ప్రభుత్వం తొలిసారిగా రాష్ట్ర పండుగగా నిర్వహించేందుకు ఉత్తర్వులు జారీ చేయడంతో శ్రీకాకుళం నగరం సర్వ సుందరంగా ముస్తాబవుతోంది.
Similar News
News January 31, 2025
టెక్కలి జిల్లా ఆసుపత్రిలో అధికారుల విచారణ
టెక్కలి జిల్లా ఆసుపత్రిలో గురువారం అధికారులు విచారణ చేపట్టారు. తాజాగా ఆసుపత్రిలో ఒక శిశువు తొడలో వ్యాక్సిన్ సూది ఉండిపోయిన ఘటనపై జిల్లా డీసీహెచ్ఎస్ డా.కళ్యాణ్ బాబు ఆదేశాల మేరకు నరసన్నపేట ఏరియా ఆసుపత్రి సూపరింటెండెంట్ డా.సీపాన శీనుబాబు విచారణ చేపట్టారు. విచారణలో సదరు సూది వ్యాక్సిన్ వేసిన ఇంజక్షన్ సూదిగా అధికారులు నిర్ధారించారు. తదుపరి చర్యలకు నివేదిక సమర్పించనున్నట్లు అధికారులు తెలిపారు.
News January 30, 2025
శ్రీకాకుళం: ఎన్నికల కోడ్ అమలు .. రంగంలోకి ప్రత్యేక బృందాలు
శ్రీకాకుళం జిల్లాలో ఎన్నికల కోడ్ అమలులోకి వచ్చింది. ఫిబ్రవరిలో ఉపాధ్యాయ ఎమ్మెల్సీ ఎన్నికల నేపథ్యంలో జిల్లాలో ఎన్నికల నియమావళి కోడ్ పటిష్ఠంగా అమలు చేయాలని గురువారం జిల్లా ఎన్నికల రిటర్నింగ్ అధికారి, జిల్లా కలెక్టర్ స్వప్నిల్ దినకర్ ఆదేశాలు జారీ చేశారు. జిల్లాలో ఎన్నికల కోడ్ అమలుకు మండలానికి ఒక ఎంపీడీఓ, తహశీల్దార్‌తో పాటు వీడియోగ్రాఫర్లతో కూడిన 30 ఎంసీసీ బృందాలను అధికారులు ఏర్పాటు చేశారు.
News January 30, 2025
SKLM: రథసప్తమి పండగ .. టూరిజం బస్సు ఏర్పాటు
శ్రీ సూర్యనారాయణ స్వామి రాష్ట్ర పండగ రథసప్తమి సందర్భంగా ఫిబ్రవరి 2, 3, 4 తేదీల్లో టూరిజం ప్యాకేజీలు ఏర్పాటు చేసినట్లు కలెక్టర్ స్వప్నిల్ దినకర్ పుండ్కర్ తెలిపారు. టూరిజం సంస్థ నేతృత్వంలో మినీబస్సు ఏర్పాటు చేశారన్నారు. శ్రీకూర్మం, మొగదలపాడు, సాలిహుండం, శ్రీముఖలింగం, రావివలస సర్క్యూట్ తిప్పిచూపిస్తారు. సన్‌రైజ్ హోటల్ రిసెప్షన్ వద్ద ఏపీ టూరిజం కౌంటర్ ఉందన్నారు. వ్యక్తికి రూ.750 ఉంటుందన్నారు.