News November 7, 2024
రాజమండ్రి ఎయిర్ పోర్టులో బుల్లెట్లు కలకలం
రాజమండ్రి ఎయిర్పోర్టులో బుల్లెట్లు కలకలం రేపాయి. రాజమండ్రి టు హైదరాబాద్‌కు వెళ్తున్న ప్యాసింజర్ బ్యాగ్‌ను పోలీసులు ఈ రోజు ఉదయం తనిఖీ చేయగా ఆరు బుల్లెట్లు లభ్యమయ్యాయి. ప్రయాణికుడు ఎయిర్ పోర్టు నిబంధనలు పాటించకపోవడంతో అతడిపై చర్యలకు సిద్ధం అయ్యారు. ఎయిర్ పోర్ట్ నిబంధనలు మేరకు ప్రయాణికులు నడుచుకోవాలని అధికారులు సూచిస్తున్నారు. లేకుంటే చర్యలు తప్పవని హెచ్చరించారు.
Similar News
News December 27, 2024
తూ.గో: న్యూ ఇయర్ వేడుకలపై ఎస్పీ కీలక సూచనలు
న్యూ ఇయర్ వేడుకలను సంప్రదాయబద్ధంగా నిర్వహించుకోవాలని తూ.గో. జిల్లా ఎస్పీ నరసింహ కిషోర్ సూచించారు. కొవ్వూరు రూరల్ సర్కిల్ పోలీస్ స్టేషన్లో గురువారం ఎస్పీ తనిఖీలు చేశారు. మద్యం సేవించి రోడ్లపై అల్లర్లు సృష్టిస్తే ఉపేక్షించేది లేదన్నారు. సైలెన్సర్లు పీకి వాహనాలు నడిపితే చర్యలు తీసుకుంటామన్నారు. డిసెంబర్ 31న మద్యం దుకాణాలు సమయపాలన పాటించాలని సూచించారు. రౌడీ షీటర్లను బైండోవర్ చేస్తామన్నారు.
News December 26, 2024
శంఖవరం: రోడ్డు ప్రమాదంలో ఇద్దరు యువకులు మృతి
శంఖవరం మండలం వేలంగి-పెద్దమల్లాపురం మధ్య బుధవారం రాత్రి రోడ్డు ప్రమాదం జరిగింది. ఈ ఘటన ఆలస్యంగా వెలుగులోకి వచ్చింది. అన్నవరం పోలీసుల వివరాల మేరకు.. పెదమల్లాపురానికి చెందిన బోడోజు వెంకట రమణ (18), బలుం సుబ్రహ్మణ్యం (24) బైక్‌పై వేళంగి నుంచి పెదమల్లాపుంకు వెళ్తుండగా అదుపు తప్పి చెట్టును ఢీకొట్టారు. దీంతో ఇద్దరు మృతి చెందారు. దీనిపై పోలీసులు కేసు నమోదు చేసి దర్యాప్తు చేస్తున్నారు.
News December 26, 2024
తాళ్లపూడి: కాలువలో మునిగి బాలుడి మృతి
తాళ్లపూడి మండలం బల్లిపాడులో నాలుగేళ్ల బాలుడు కాలువలో పడి మృతి చెందడంతో గ్రామంలో విషాద ఛాయలు అలుముకున్నాయి. స్థానికుల కథనం మేరకు గురువారం బల్లిపాడు ఎస్సీ నివాసిత ప్రాంతంలో కాలువ గట్టున బాలుడు ఆడుకుంటూ కాలువలో పడ్డాడు. ఎవరూ గమనించకపోవడంతో మృతి చెందాడని తెలిపారు. తల్లి ఝాన్సీ రాణి రోదన చూపరులకు కన్నీరు తెప్పించింది.