News November 21, 2024
రేగిడి: భార్య ఎదుటే భర్త కిడ్నాప్‌
రేగిడి ఆమదాలవలస మండలం కొడిస గ్రామానికి చెందిన పట్నాల అన్నాజీని నలుగురు వ్యక్తులు బలవంతంగా కారులో ఎక్కించి తీసుకువెళ్లిపోయినట్లు భార్య పద్మ బుధవారం రేగిడి పోలీసులకు ఫిర్యాదు చేసింది. గ్రామస్థులు కారును ఆపే ప్రయత్నం చేశారు. కానీ కారును ఆపకుండా వేగంగా వెళ్లిపోయినట్లు గ్రామస్థులు వాపోయారు. అన్నాజీ రాజాం పట్టణంలో పుచ్చల వీధిలో గోల్డ్ స్మిత్‌గా పనిచేస్తున్నట్లు బంధువులు తెలిపారు.
Similar News
News December 3, 2024
SKLM: వారిని స్వదేశానికి తీసుకురావాలని వినతి
శ్రీకాకుళం నుంచి ఉపాధి కోసం సౌదీ వెళ్లిన 22 మంది కార్మికులు యాజమాన్యం చేతులో మోసపోవడం బాధాకరమని మంత్రి రామ్మోహన్ నాయుడు అన్నారు. ఈ మేరకు ఆయన కేంద్ర విదేశాంగ మంత్రి జైశంకర్‌ను మంగళవారం మర్యాదపూర్వకంగా కలిశారు. వారిని సౌదీ అరేబియా నుంచి క్షేమంగా స్వదేశానికి తీసుకు వచ్చేందుకు చొరవ చూపాలని కోరారు. అనంతరం వినతిపత్రం అందజేసిన మంత్రి ఎంబసీకి సమాచారం అందించి, వారి బాగోగులను చూడాలన్నారు.
News December 3, 2024
SKLM: సొంత ప్రాంతాలకు తీసుకువస్తాం: మంత్రి అచ్చెన్న
శ్రీకాకుళం జిల్లాకు చెందిన 16 మంది యువకులు సౌదీ అరేబియాలో చిక్కుకున్న విషయం తెలిసిందే. దీనిపై మంగళవారం ఉదయం మంత్రి అచ్చెన్నాయుడు స్పందించారు. ఏజెంట్ల ద్వారా మోసపోయిన జిల్లా యువకులను తిరిగి సొంత ప్రాంతాలకు తీసుకువచ్చేందుకు కృషి చేస్తామని తెలిపారు. సీఎం చంద్రబాబుతో ఈ అంశంపై చర్చించి తక్షణమే చర్యలు తీసుకుంటామని హామీ ఇచ్చారు. ఉత్తరాంధ్ర జిల్లాల్లో యువతకు ఉపాధి అవకాశాలు మెరుగు పరుస్తామని చెప్పారు.
News December 3, 2024
1998 బ్యాచ్ ఉపాధ్యాయులకు పూర్తయిన బదిలీలు
మినిమం టైం స్కేల్(ఎం.టీ.ఎస్) పద్ధతిలో పనిచేస్తున్న 1988 బ్యాచ్ ఉపాధ్యాయులకు పాలకొండ బాలురు ఉన్నత పాఠశాలలో నిర్వహించిన బదిలీలు పూర్తయ్యాయని ఉప విద్యాశాఖ అధికారి పర్రి కృష్ణమూర్తి తెలిపారు. మొత్తం 35 ఖాళీలకు గాను 32 పోస్టులు భర్తీ చేసినట్లు ఆయన తెలిపారు. ఇద్దరూ ఎంటీఎస్‌లు బదిలీలకు అంగీకరించకపోగా ఒక ఎస్జీటీ ఉపాధ్యాయుడు అందుబాటులో లేనందున ప్రస్తుతం మూడు పోస్టులు ఖాళీగా ఉన్నట్లు తెలిపారు.