News April 15, 2025
రోడ్డు ప్రమాదంలో కొత్తకోట యువకుడి మృతి
ఆదుకుంటాడనుకున్న కొడుకు అనంత లోకాలకు వెళ్లడంతో తల్లిదండ్రులు అచ్చి బాబు, రమణమ్మ శోక సంద్రంలో మునిగిపోయారు. కొత్తకోట గ్రామానికి చెందిన దుర్గాప్రసాద్ కాకినాడ జిల్లా మూలపేట వద్ద ఆదివారం రాత్రి జరిగిన ప్రమాదంలో దుర్మరణం పాలైన విషయం తెలిసిందే. ఫార్మాలిటీస్ పూర్తయిన తర్వాత మృతదేహాన్ని సోమవారం స్వగ్రామానికి తీసుకొచ్చారు. అచేతనంగా పడి ఉన్న కుమారుడి మృతదేహాన్ని చూసిన తల్లిదండ్రుల ఆర్తనాదాలు నింగినంటాయి.
Similar News
News April 19, 2025
చిన్నస్వామిలో మారని RCB కథ!
IPL: PBKSపై ఓడిన RCB ఓ చెత్త రికార్డ్ మూటగట్టుకుంది. హోంగ్రౌండ్‌లో 46 మ్యాచులు ఓడిన జట్టుగా నిలిచింది. గతంతో ఈ రికార్డ్ ఢిల్లీ పేరిట ఉండేది. ఆ జట్టు అరుణ్‌జైట్లీ స్టేడియంలో 45 మ్యాచులు ఓడింది. కాగా, బెంగళూరులోని చిన్నస్వామి స్టేడియం చిన్నది కావడం RCBకి తొలి నుంచీ మైనస్సే అని క్రికెట్ విశ్లేషకులు చెబుతున్నారు. గతంతో భారీ స్కోర్లు చేసినా డిఫెండ్ చేసుకోలేక చాలా మ్యాచ్‌లు ఓడిపోయిందని అంటున్నారు.
News April 19, 2025
మన ‘పాకాల’ నీరు.. సముద్రంలో కలుస్తోందిలా!
వరంగల్ జిల్లా ఖానాపురం మండలం పాకాల సరస్సు వరద నీరు 192 కి.మీ ప్రవహించి కృష్ణా నదిలో కలుస్తోంది. ఉమ్మడి వరంగల్, ఖమ్మం జిల్లాల్లో ‘పాకాల’ వాగు.. ప్రవాహ క్రమేణా ‘మున్నేరు’గా మారి ఏపీలోని కంచికచర్ల వద్ద కృష్ణా నదిలో కలుస్తోంది. ప్రకాశం బ్యారేజీ మీదుగా బంగాళాఖాతం సముద్రంలో కలుస్తోంది. ఉమ్మడి జిల్లాలోని నర్సంపేట, మహబూబాబాద్, డోర్నకల్ ప్రాంత రైతులకు, ప్రజలకు పాకాల నీరు జలవనరుగా ఉంది.
News April 19, 2025
వేమన పద్యం
ఉన్నతావు వదలి ఊరూరు దిరిగిన
కన్నదేమి నరుడు గ్రాసమునకు
తన్నులోను జూడ తమమెల్ల వీడును
విశ్వదాభిరామ వినుర వేమ.
భావం: ఉన్నచోటును విడిచి తీర్థయాత్రలు చేసినంత మాత్రాన ఉపయోగం లేదు. తనలో తాను చూసుకుంటే అజ్ఞానం తొలగిపోతుంది.