News January 22, 2025
విశాఖ: 10కి చేరిన అరెస్ట్‌ల సంఖ్య
విశాఖ సీపీ ఆదేశాలు మేరకు టాస్క్‌ఫోర్స్, సైబర్ క్రైమ్ పోలీసులు మంగళవారం రైడ్ చేసి ఆన్‌లైన్ క్రికెట్ బెట్టింగ్ ముఠాలో మరో ఇద్దరిని అరెస్టు చేసి రిమాండ్‌కు తరలించారు. వీరి ద్వారా మరికొంతమంది బుకీల సమాచారం వెలుగులోకి వచ్చిందన్నారు. ఈ కేసులో ఇప్పటి వరకు 10మందిని అరెస్టు చేశారు. ఈ బెట్టింగ్ ద్వారా రూ.178 కోట్ల లావాదేవీలు జరిగినట్లు గుర్తించారు. ఈ కేసులో ఎవరినీ విడిచి పెట్టమని సీపీ తేల్చి చెప్పారు.
Similar News
News January 22, 2025
అగనంపూడి వద్ద యాక్సిడెంట్.. ఇద్దరు మృతి
అగనంపూడి టోల్ గేట్ వద్ద ఘోర రోడ్డు ప్రమాదం చోటుచేసుకుంది. బుధవారం ఉదయం గాజువాక నుంచి అగనంపూడి వైపు బైక్‌పై వెళ్తున్న ఇద్దరు లారీ వెనుక చక్రాల కింద పడి స్పాట్‌లోనే మృతి చెందారు. మృతి చెందిన వారిలో ఒక మహిళ, మరో పురుషుడు ఉన్నారు. మృతి చెందిన మహిళ వద్ద ఉన్న ఆధార్ కార్డు, బ్యాంకు బుక్ ప్రకారం పాత గాజువాకకు చెందిన గొర్లె అరుణ్ కుమారిగా పోలీసులు గుర్తించారు. యువకుడి వివరాలు తెలియాల్సి ఉంది.
News January 22, 2025
ఉత్తరాంధ్ర ఎమ్మెల్సీ ఎన్నికకు ఏర్పాట్లు
ఉత్తరాంధ్ర ఉపాధ్యాయ ఎమ్మెల్సీ ఎన్నికకు జిల్లా యంత్రాంగం ఏర్పాట్లు చేస్తుంది. ప్రస్తుత ఎమ్మెల్సీ పి రఘువర్మ పదవీకాలం ఈ ఏడాది మార్చి 29తో ముగుస్తుంది. ఎన్నికల అధికారి, జిల్లా కలెక్టర్ హరేంద్ర ప్రసాద్ ఆధ్వర్యంలో ఓటర్ల నమోదు ప్రక్రియ పూర్తయింది. 123 పోలింగ్ కేంద్రాల ఏర్పాటుకు అధికారులు ప్రతిపాదనలు సిద్ధం చేశారు. ప్రతి మండల కేంద్రంలో ఒక పోలింగ్ స్టేషన్ ఏర్పాటు చేయనున్నారు. మొత్తం 19 వేల ఓటర్లు ఉన్నారు.
News January 22, 2025
విశాఖలో కంపెనీలు పెట్టండి: మంత్రి లోకేశ్
పెట్టుబడులే లక్ష్యంగా మంత్రి లోకేశ్ దావోస్‌లో పర్యటిస్తున్నారు. విశాఖలో ఆటో మొబైల్ ఉత్పత్తి, సప్లయ్ చైన్ ఏర్పాటుకు అనువుగా ఉంటుందని ZF ఫాక్స్‌కాన్ CEO దృష్టికి తీసుకెళ్లారు. సిస్కో గ్లోబల్ కెపాసిటీ సెంటర్ ఏర్పాటు చేయాలని ఆ సంస్థ వైస్ ప్రెసిడెంట్ కాట్సోడస్‌ను కోరారు. గ్లోబల్ డెలివరీ కేంద్రాలు, బ్యాక్ ఎండ్ ఐటీ ఆఫీస్ ఏర్పాటు చెయ్యాలని రాజీవ్ మోమానీని కోరగా ఆయన సానుకూలంగా స్పందించినట్లు తెలుస్తోంది.