News May 16, 2024
విశాఖ: కర్రలతో దాడి ముగ్గిరికి తీవ్రగాయాలు
విశాఖలోని కంచరపాలెం పోలీస్ స్టేషన్ పరిధిలో రెండు కుటుంబాల మధ్య గొడవ జరగ్గా.. ముగ్గురికి తీవ్ర గాయాలయ్యాయి. కాగా.. తమకు ఓటు వేయలేదని ఓ పార్టీ నాయకులు దాడి చేశారని సోషల్ మీడియాలో వైరల్‌గా మారింది. దీనిపై స్పందించిన కంచరపాలెం పోలీసులు వివరణ ఇచ్చారు. ‘ఈ గొడవకు పార్టీలతో సంబంధం లేదని, కేవలం పక్క పక్క ఇళ్లవారి మధ్య జరిగిన గొడవ మాత్రమే’ అని చెప్పారు.
Similar News
News January 23, 2025
విశాఖ: వలస వచ్చి విగత జీవులయ్యారు..!
బతుకుతెరువుకు ఊరొదిలి వచ్చిన ఆ దంపతులను లారీ రూపంలో మృత్యువు వెంటాడడంతో ఇద్దరు పిల్లలు అనాథలయ్యారు. <<15222234>>అగనంపూడి <<>>టోల్‌గేట్ వద్ద నిన్న జరిగిన రోడ్డు ప్రమాదంలో <<15225242>>మృతి చెందిన <<>>గొర్లి మన్మథరావు, అరుణకుమారి దంపతులు పార్వతీపురం జిల్లా నుంచి రెండేళ్ల క్రితం వలస వచ్చారు. మన్మథరావు ఫార్మాసిటీలో వెల్డర్‌గా పనిచేస్తున్నాడు. కొడుకు నిఖిల్, కూతురు నీలిమను కర్రివానిపాలెం హైస్కూల్‌లో చదివిస్తున్నారు.
News January 23, 2025
అనకాపల్లి: ఆర్ఈసీఎస్ పర్సన్ ఇన్‌ఛార్జిగా కలెక్టర్
గ్రామీణ విద్యుత్ సహకార సంస్థ(ఆర్ఈసీఎస్) పర్సన్ ఇన్‌ఛార్జిగా అనకాపల్లి కలెక్టర్ విజయకృష్ణన్ బుధవారం బాధ్యతలు స్వీకరించారు. రాష్ట్ర కో-ఆపరేటివ్ అండ్ రిజిస్ట్రార్ ప్రతిపాదనల మేరకు ప్రభుత్వం తనను పర్సన్ ఇన్‌ఛార్జిగా నియమించినట్లు కలెక్టర్ తెలిపారు. ఈ కార్యక్రమంలో జిల్లా సహకార ఆడిట్ అధికారిణి ఎం.శ్యామల, ప్రాజెక్ట్ ఇంజినీర్ జె.ప్రసాదరావు పాల్గొన్నారు.
News January 22, 2025
జువైనల్ హోమ్ ఘటనపై స్పందించిన హోం మంత్రి
విశాఖలోని జువైనల్ హోమ్ ఘటనపై హోంమంత్రి వంగలపూడి అనిత స్పందించారు. నగర పోలీస్ కమిషనర్ శంఖబ్రత బాగ్చీ, విశాఖ కలెక్టర్ హరేంధిర ప్రసాద్‌తో ఫోన్‌లో మాట్లాడారు. బాలికల ఆరోపణలపై ఆరా తీశారు. మహిళా పోలీస్ అధికారి, తహశీల్దార్ నేతృత్వంలో బాలికలతో మాట్లాడి వివరాలు తెలుసుకోవాలని అన్నారు. తక్షణమే విచారణ చేపట్టి సమగ్ర నివేదిక ఇవ్వాలని కలెక్టర్‌ని ఆదేశించారు. ఆరోపణలు వాస్తవమని తెలితే కఠిన చర్యలు తప్పవన్నారు.