News December 27, 2024
సంగారెడ్డి: మైనర్ బాలికపై అత్యాచారం.. 20ఏళ్లు జైలు
మైనర్ బాలికపై అత్యాచారం కేసులో నిందితుడు రజినీకాంత్‌కు 20 ఏళ్ల జైలు, రూ.10వేల జరిమానా విధిస్తూ పోక్సో కోర్టు జడ్జి జయంతి తీర్పు వెల్లడించారని సంగారెడ్డి ఎస్పీ రూపేశ్ తెలిపారు. 2019లో చౌటకూరు మండలం ఉప్పరగూడెంకు చెందిన రజనీకాంత్ ఇంటికి వెళ్లి అత్యాచారం చేశాడని బాలిక తండ్రి పుల్కల్ పోలీసులకు ఫిర్యాదు చేశారు. ఈ కేసులో నేరం రుజువు కావడంతో న్యాయమూర్తి ఈ మేరకు తీర్పు ఇచ్చినట్లు ఎస్పీ తెలిపారు.
Similar News
News December 28, 2024
మెదక్: పడిపోయిన ఉష్ణోగ్రతలు.. జాగ్రత్త
ఉమ్మడి మెదక్ జిల్లాలో చలి తీవ్రత పెరిగి ఉష్ణోగ్రతలు పడిపోయాయి. రాష్ట్రంలోనే అత్యల్పంగా సంగారెడ్డి జిల్లా కోహిర్‌లో 13.1 డిగ్రీల ఉష్ణోగ్రత నమోదైంది. శివంపేటలో 13.9, నల్లవల్లి 14.2, అల్గోల్, అంగడి కిష్టాపూర్ 14.9, అల్మాయిపేట 15.0, పుల్కల్ 15.1, కాగజ్ మద్దూర్, కంకోల్, కంది, పాశమైలారం 15.2 డిగ్రీలు నమోదయ్యాయి. చాలా చోట్ల పొగమంచుతో వాహనదారులు ఇబ్బంది పడగా.. అప్రమత్తంగా ఉండాలని వైద్యులు చెబుతున్నారు.
News December 28, 2024
మెదక్: మాజీ ప్రధానికి మంత్రి పొన్నం నివాళి
ఢిల్లీలో భారత మాజీ ప్రధాని మ‌న్మోహ‌న్ సింగ్ పార్థివ దేహానికి రాష్ట్ర రవాణా శాఖ మంత్రి పొన్నం ప్రభాకర్ శుక్రవారం పుష్పాంజ‌లి ఘ‌టించి, నివాళులర్పించారు. ఈ సందర్భంగా ఆయన మాట్లాడుతూ.. ఎన్నో సంస్కరణలు అమలు చేసి దేశ ఆర్థిక అభివృద్ధిని పరుగులు పెట్టించారన్నారు. జీవితంలో ఎన్నో అత్యున్నత పదవులు చేపట్టిన ఆయన నిరాడంబరతకు ఆదర్శం అన్నారు.
News December 27, 2024
కొల్చారం: SI సూసైడ్.. కారణం ఇదే..?
కామారెడ్డి జిల్లాలో నిన్న కొల్చారానికి చెందిన <<14983014>>SI <<>>సాయికుమార్ మృతిచెందిన విషయం తెలిసిందే. కాగా, మహిళ కానిస్టేబుల్‌తో ఉన్న పరిచయమే ఆయన మృతికి కారణంగా తెలుస్తోంది. సాయికుమార్ బీబీపేటలో SIగా పనిచేసేటప్పుడు కానిస్టేబుల్ శ్రుతితో పరిచయం ఏర్పడింది. ఈయన భిక్కనూర్‌కు బదిలీపై వెళ్లగా.. కంప్యూటర్ ఆపరేటర్‌ నిఖిల్‌ శ్రుతికి పరిచయం అయ్యాడు. కాగా, వీరి మధ్య ఏర్పడిన పరిచయమే మృతికి కారణంగా తెలుస్తోంది.