News January 31, 2025
సిద్దిపేట: అధికారులకు సీపీ సన్మానం
మానభంగం, పోక్సో కేసులో నేరస్థుడికి 20 సంవత్సరాల జైలు శిక్ష పడడంలో కీలకపాత్ర వహించిన అధికారులను పోలీస్ కమిషనర్ డాక్టర్ బి. అనురాధ ఘనంగా సన్మానించి, అప్రిసియేషన్ సర్టిఫికెట్లు అందజేశారు. మానభంగం, ఫోక్సో కేసులో నేరస్థుడికి 20 సంవత్సరాల కఠిన కారాగార జైలు శిక్ష, రూ.50 వేల జరిమానా నేరస్థుడికి జైలు శిక్ష పడడానికి కీలకపాత్ర వహించిన పబ్లిక్ ప్రాసిక్యూటర్, సీఐలు, సిబ్బందిని అభినందించారు.
Similar News
News January 31, 2025
వారంలో 2 రోజులు సెలవు?
బ్యాంక్ ఉద్యోగులు ఎప్పట్నుంచో డిమాండ్ చేస్తున్న వారంలో రెండు రోజుల సెలవు విజ్ఞప్తిపై రేపు స్పష్టత రానుంది. వారంలో 5 పనిదినాలే ఉండాలని ఉద్యోగులు కోరుతుండగా, రేపటి బడ్జెట్ సమావేశంలో కేంద్రం స్పష్టత ఇచ్చే అవకాశం ఉంది. 2 రోజుల సెలవుకు కేంద్రం అంగీకరిస్తే శని, ఆదివారాలు మినహా మిగతా రోజుల్లో అదనంగా 40 నిమిషాలు(ఉ.9.40 నుంచి సా.5.30) పనిచేయాల్సి ఉంటుంది.
News January 31, 2025
కడపలో టీడీపీ ‘మహానాడు’
AP: ఈ ఏడాది TDP ‘మహానాడు’ కడపలో నిర్వహించాలని పొలిట్ బ్యూరో సమావేశంలో నిర్ణయించారు. అలాగే గ్రామస్థాయి నుంచి రాష్ట్రస్థాయి వరకు సంస్థాగత ఎన్నికలు మహానాడు‌లోపు నిర్వహించాలని నిర్ణయించినట్లు సమాచారం. చంద్రబాబు అధ్యక్షతన నాలుగున్నర గంటల పాటు జరిగిన ఈ భేటీలో YCP చేసిన జిల్లాల పునర్విభజనను సరిదిద్దాలని కూడా చర్చించారు. అటు పద్మభూషణ్ వచ్చిన బాలకృష్ణకు పొలిట్‌బ్యూరో సభ్యులు అభినందనలు తెలిపారు.
News January 31, 2025
మహా కుంభమేళాకు విశాఖ నుంచి ప్రత్యేక రైలు
ప్రయాణికుల రద్దీని దృష్టిలో ఉంచుకొని మహా కుంభమేళాకు విశాఖ నుంచి ప్రత్యేక రైలు వేయడం జరిగిందని వాల్తేర్ సీనియర్ డీసీఎం సందీప్ శుక్రవారం తెలిపారు. ఫిబ్రవరి 4వ తేదీ రాత్రి 10:20 గంటలకు విశాఖ-గోరఖ్ పూర్ (08588) బయలుదేరుతుందన్నారు. తిరుగు ప్రయాణంలో ఫిబ్రవరి 7వ తేదీ సాయంత్రం 5:45కు గోరఖ్‌పూర్‌లో బయలుదేరునుందన్నారు. ప్రయాణికులు ఈ విషయాన్ని గమనించాలన్నారు.