News December 2, 2024

సిద్దిపేట జిల్లాలో సీఎం పర్యటన.. షెడ్యూల్ ఇదే

image

సిద్దిపేట జిల్లా ములుగు మండలం బండతిమ్మాపూర్ గ్రామానికి నేడు సీఎం రేవంత్ రెడ్డి రానున్నారు. స్థానిక హిందుస్థాన్ కోకాకోలా కంపెనీని సీఎం ప్రారంభించనున్నారు. బేగంపేట నుంచి హెలికాప్టర్‌లో మధ్యాహ్నం 2 గంటలకు బండతిమ్మాపూర్ చేరుకుంటారు. 3 గంటలకు తిరిగి సీఎం బేగంపేట వెళ్తారని సీఎం పర్సనల్ సెక్రటరీ నర్మల శ్రీనివాస్ తెలిపారు. రూ.వెయ్యి కోట్లతో ఈ గ్రీన్ ఫీల్డ్ ప్లాంటును నిర్మించారు.

Similar News

News December 27, 2024

కొల్చారం: SI సూసైడ్.. కారణం ఇదే..?

image

కామారెడ్డి జిల్లాలో నిన్న కొల్చారానికి చెందిన <<14983014>>SI <<>>సాయికుమార్ మృతిచెందిన విషయం తెలిసిందే. కాగా, మహిళ కానిస్టేబుల్‌తో ఉన్న పరిచయమే ఆయన మృతికి కారణంగా తెలుస్తోంది. సాయికుమార్ బీబీపేటలో SIగా పనిచేసేటప్పుడు కానిస్టేబుల్ శ్రుతితో పరిచయం ఏర్పడింది. ఈయన భిక్కనూర్‌కు బదిలీపై వెళ్లగా.. కంప్యూటర్ ఆపరేటర్‌ నిఖిల్‌ శ్రుతికి పరిచయం అయ్యాడు. కాగా, వీరి మధ్య ఏర్పడిన పరిచయమే మృతికి కారణంగా తెలుస్తోంది.

News December 27, 2024

మన్మోహన్‌సింగ్‌ రాజనీతిజ్ఞత గొప్పది: KCR

image

మాజీ ప్రధాని మన్మోహన్‌సింగ్‌ రాజనీతిజ్ఞత గొప్పదని మాజీ సీఎం KCR అన్నారు. ప్రపంచ వ్యాప్తంగా ఆర్థిక వ్యవస్థలు చిన్నాభిన్నం అవుతుంటే భారత ఆర్థిక వ్యవస్థ నిలదొక్కుకొని నిలబడేందుకు నాటి ప్రధానిగా పీవీ నర్సింహారావు సంస్కరణల రూపం వెనుక ఉంది మన్మోహన్‌సింగ్‌ అన్నారు. దశాబ్దాలపాటు తెలంగాణపై కొనసాగిన అణచివేతలు, ఆర్థిక దోపిడి, సామాజిక, సాంస్కృతిక వివక్ష తెలిసిన అతికొద్ది మంది నాయకుల్లో మన్మోహన్‌ ఉంటారన్నారు.

News December 27, 2024

సంగారెడ్డి: మైనర్‌పై అత్యాచారం.. 20ఏళ్లు జైలు

image

మైనర్‌పై అత్యాచారం కేసులో నిందితుడు రజినీకాంత్‌కు 20 ఏళ్ల జైలు, రూ.10వేల జరిమానా విధిస్తూ పోక్సో కోర్టు జడ్జి జయంతి తీర్పు వెల్లడించారని సంగారెడ్డి ఎస్పీ రూపేశ్ తెలిపారు. 2019లో చౌటకూరు మండలం ఉప్పరగూడెంకు చెందిన రజినీకాంత్ ఇంటికి వెళ్లి అత్యాచారం చేశాడని బాలిక తండ్రి పుల్కల్ పోలీసులకు ఫిర్యాదు చేశారు. ఈ కేసులో నేరం రుజువు కావడంతో న్యాయమూర్తి ఈ మేరకు తీర్పు ఇచ్చినట్లు ఎస్పీ తెలిపారు.