News July 9, 2024
స్కీం తీసుకున్న వారానికే యువకుడి మృతి.. రూ.10లక్షల చెక్కు
పోస్టల్ శాఖ అందిస్తున్న ఇన్సూరెన్స్ పథకాన్ని అందరూ సద్వినియోగం చేసుకోవాలని రాజమండ్రి పోస్టల్ సూపరింటెండెంట్ కె.శేషారావు సూచించారు. అంబేడ్కర్ కోనసీమ జిల్లా మండపేటకు చెందిన అడపా వెంకటేశ్వర్లు అనే యువకుడు వారం రోజుల కింద రూ.359 చెల్లించి పోస్టల్‌లో ఇన్సూరెన్స్ పథకాన్ని తీసుకున్నాడు. ఆ యువకుడు రోడ్డు ప్రమాదంలో మృతి చెందగా.. నామినీగా ఉన్న అడపా లక్ష్మికి రూ.10లక్షల బీమా చెక్కును శేషారావు అందజేశారు.
Similar News
News November 26, 2024
కత్తిపూడిలో రోడ్డు ప్రమాదం.. ఒకరు మృతి
శంఖవరం మండలం సీతంపేటలోని ఇండియన్ ఆయిల్ పెట్రోల్ బంక్ వద్ద మంగళవారం తెల్లవారుజామున రోడ్డు ప్రమాదం జరిగింది. విశాఖపట్నం నుంచి రాజమండ్రి వైపుగా వెళ్తున్న లారీని తప్పించే క్రమంలో మినీ వ్యాన్ అదుపు తప్పడంతో బోల్తా పడింది. ఈ ప్రమాదంలో ఒకరు అక్కడికక్కడే మృతి చెందారు. స్థానిక సమాచారం మేరకు ఘటన స్థలానికి అన్నవరం SI శ్రీహరిబాబు చేరుకున్నారు. ఈ ఘటనపై మరిన్ని వివరాలు తెలియాల్సి ఉంది.
News November 25, 2024
యువత భవితకు భరోసాగా నిలబడతాం: మంత్రి లోకేశ్
మంత్రి లోకేశ్‌ను కలిసే అవ‌కాశం ద‌క్కాల‌ని విజయవాడ ఇంద్ర‌కీలాద్రిని మోకాలిపై ఎక్కి అమ్మ‌వారిని ద‌ర్శించుకున్న రామచంద్రపురం మండలం చౌడవరం వాసి సాయికృష్ణని లోకేశ్ సోమవారం క‌లిశారు. ‘అతని యోగక్షేమాలు అడిగి తెలుసుకున్నాను. వైసీపీ అరాచ‌క పాలనపై ప్ర‌జాస్వామ్య ప‌ద్ధ‌తిలో పోరాడిన త‌న‌ను ఇబ్బందులు పెట్టారు. యువత భవితకు భరోసాగా నిల‌బ‌డ‌తాన‌ని అతనికి హామీ ఇచ్చా’ అని లోకేశ్ ‘X’లో పేర్కొన్నారు.
News November 25, 2024
ఫీజు రీయంబర్స్మెంట్‌ను వారికే నేరుగా వేస్తాం: కలెక్టర్
ప్రస్తుత విద్యా సంవత్సరానికి సంబంధించిన ఫీజు రీయంబర్స్మెంట్‌ను విద్యా సంస్థలకే నేరుగా విడుదల చేయడం జరుగుతుందని జిల్లా కలెక్టర్ పి.ప్రశాంతి సోమవారం ఒక ప్రకటనలో తెలిపారు. రాష్ట్ర ప్రభుత్వ ఆదేశాలు మేరకు త్వరలోనే ఈ ఏడాదికి సంబంధించిన మొత్తం మంజూరు చేస్తామని, దశల వారీగా బకాయిలు సైతం విడుదల చేయడం జరుగుతుందని, ఈ నేపథ్యంలో కలెక్టర్ స్పష్టమైన హామీనిస్తూ ఆ ప్రకటనలో తెలిపారు.