News December 29, 2024
₹12 కోట్ల ఘ‌రానా మోసం.. నిందితుల అరెస్టు
CRED యాప్‌ను ప‌ర్య‌వేక్షించే Dreamplug Paytech Solutions బ్యాంకు ఖాతాల నుంచి ₹12 కోట్లు లూటీ చేసిన న‌లుగురు నిందితుల‌ను బెంగ‌ళూరు సైబ‌ర్ సెల్ పోలీసులు అరెస్టు చేశారు. Axis బ్యాంకు రిలేష‌న్‌షిప్ మేనేజ‌ర్ వైభ‌వ్ పిథాడియా బ్యాంకు, ఇన్సూరెన్స్ ఏజెంట్ల‌తో క‌లిసి క్రెడెన్షియల్స్ మార్పు, త‌ప్పుడు ప‌త్రాల‌తో Dreamplug ఖాతాల యాక్సెస్ పొందారు. 37 లావాదేవీల ద్వారా ₹12.20 కోట్ల‌ను ఇత‌ర ఖాతాల‌కు మ‌ళ్లించారు.
Similar News
News January 4, 2025
ఏపీలో 7 కొత్త ఎయిర్‌పోర్టులు
ఏపీలో కొత్తగా కుప్పం, దగదర్తి, శ్రీకాకుళం, తాడేపల్లిగూడెం, నాగార్జునసాగర్, తుని-అన్నవరం, ఒంగోలులో 7 ఎయిర్‌పోర్టులు నిర్మించాలని ప్రభుత్వం నిర్ణయించింది. శ్రీకాకుళంలో ఎయిర్‌పోర్టు ఫీజిబిలిటీ సర్వే పూర్తైంది. మిగతాచోట్ల సర్వే చేయాలని కేంద్రమంత్రి రామ్మోహన్‌ నాయుడుతో జరిగిన సమీక్షలో CM చంద్రబాబు కోరారు. అటు గన్నవరంలో కొత్త టెర్మినల్ భవనాన్ని కూచిపూడి నృత్యం, అమరావతి స్తూపం థీమ్‌తో నిర్మించనున్నారు.
News January 4, 2025
బుమ్రాను రెచ్చగొట్టడం ప్రమాదం: మార్క్ వా
జస్ప్రీత్ బుమ్రాలాంటి బౌలర్‌ను రెచ్చగొట్టడం ఆస్ట్రేలియాకు ప్రమాదకరమని ఆ జట్టు మాజీ ఆటగాడు మార్క్ వా వ్యాఖ్యానించారు. ‘కొన్‌స్టాస్ ఈ ఘటన నుంచి నేర్చుకోవాలి. ఆఖరి ఓవర్లో బుమ్రాను రెచ్చగొట్టాల్సిన అవసరం అతడికి ఏమాత్రం లేదు. అతడి వల్ల భారత ఆటగాళ్లందరూ ఏకమయ్యారు. కొన్‌స్టాస్ నాలుకను అదుపులో పెట్టుకోకపోతే ప్రత్యర్థి జట్లకు లక్ష్యంగా మారతాడు’ అని హితవు పలికారు.
News January 4, 2025
ఈ వీసాల గురించి తెలుసా?
అమెరికా వీసా అనగానే హెచ్‌1-బీ వీసాయే చాలామందికి గుర్తొస్తుంది. కానీ ఇది కాక చాలా రకాల వీసాలున్నాయి.
విద్యార్థులకు F-1(అమెరికా వర్సిటీల్లో డిగ్రీలు చదివేవారికి)
M-1(వొకేషనల్ కోర్సులు చదవాలనుకునేవారికి)
J-1(ఎక్స్ఛేంజ్ ప్రోగ్రామ్స్, రిసెర్చ్)
ఉద్యోగులకు L-1(సంస్థ తరఫున లభిస్తుంది)
O-1(పలు రంగాల్లో నిష్ణాతులకు)
P (అథ్లెట్లు, నటులు, కళాకారులకు)
EB1 నుంచి EB5 వరకు(పెట్టుబడి పెట్టేవారికి)