News October 9, 2024

శ్రీకాకుళం: డిగ్రీ 5వ సెమిస్టర్ పరీక్షల నోటిఫికేషన్ విడుదల

image

డాక్టర్ బీఆర్ అంబేడ్కర్ యూనివర్సిటీ డిగ్రీ 5వ సెమిస్టర్ పరీక్షల నోటిఫికేషన్ విడుదలైంది. ఈ మేరకు యూనివర్సిటీ ఎగ్జామినేషన్స్ డీన్ డాక్టర్ ఉదయ్ భాస్కర్ షెడ్యూల్ విడుదల చేశారు. విద్యార్థులు ఈనెల 20వ తేదీ వరకు ఎలాంటి అపరాధ రుసుము లేకుండా పరీక్ష ఫీజు చెల్లించవచ్చని. ప్రాక్టికల్స్ ఈ నెల 29 నుంచి నవంబర్ 2 వరకు జరుగుతాయన్నారు. పరీక్షలు నవంబర్ మొదటి వారం నుంచి ప్రారంభమవుతాయని ఆయన వెల్లడించారు.

Similar News

News November 30, 2025

టెక్కలి: ఒకేరోజు ఏడుగురికి అస్వస్థత.. ఒకరు మృతి

image

టెక్కలి జిల్లా ఆసుపత్రిలో ఆదివారం సంతబొమ్మాళి మండలం తాళ్లవలస గ్రామానికి చెందిన ఏడుగురు డయేరియా లక్షణాలతో చేరారు. వీరిలో గ్రామానికి చెందిన మార్పు చిన్నారావు(65) ఆదివారం మధ్యాహ్నం చికిత్స పొందుతూ మృతిచెందారు. మిగతా వారికి చికిత్స అందిస్తున్నారు. మరింత సమాచారం తెలియాల్సి ఉంది.

News November 30, 2025

నరసన్నపేట ఏరియా హాస్పిటల్‌లో అరుదైన దంత శస్త్ర చికిత్స

image

నరసన్నపేట ఏరియా హాస్పిటల్‌లో దంత వైద్య నిపుణుడు బలగ రమేశ్ నాయుడు శనివారం అరుదైన దంత శస్త్ర చికిత్స విజయవంతంగా నిర్వహించారు. నరసన్నపేట మండలం జమ్మూ గ్రామానికి చెందిన పొన్నాడ గోవిందా రావు ఇటీవల రోడ్డు ప్రమాదంలో గాయపడ్డాడు. ఈ ప్రమాదంలో అతని పై దవడ వద్ద దంతాలు ఊడిపోగా హాస్పిటల్‌కు వచ్చారని అన్నారు. దీనికి సంబంధించిన శస్త్ర చికిత్సను సహాయకురాలు సత్య సాయి సహకారంతో విజయవంతంగా పూర్తి చేశామని పేర్కొన్నారు.

News November 30, 2025

శ్రీకాకుళం: ’65 హాట్‌స్పాట్‌ల వద్ద సీసీ కెమెరాలను ఏర్పాటు చేయాలి’

image

శ్రీకాకుళం జిల్లాలో గంజాయి వినియోగం, అక్రమ రవాణాను సమూలంగా అరికట్టేందుకు అధికారులు గుర్తించిన 65 హాట్‌స్పాట్‌ల వద్ద సీసీ కెమెరాలను తక్షణమే ఏర్పాటు చేయాలని జిల్లా కలెక్టర్ స్వప్నిల్ దినకర్ పుండ్కర్ అధికారులను ఆదేశించారు. శనివారం కలెక్టరేట్‌‌లో జిల్లా నార్కోటిక్స్ కోఆర్డినేషన్ కమిటీ సమవేశం నిర్వహించారు. కెమెరాల ఏర్పాటు బాధ్యతను స్థానిక సంస్థలు తీసుకోవాలని చెప్పారు.