News January 27, 2026

కర్నూలు: ఇంటర్ ఒకేషనల్ ప్రాక్టికల్ పరీక్షలు ప్రారంభం

జిల్లావ్యాప్తంగా మంగళవారం ఇంటర్మీడియట్ ఒకేషనల్ ప్రాక్టికల్ పరీక్షలు ప్రారంభమయ్యాయి. పరీక్షల వివరాలను ఇంటర్ బోర్డు ప్రాంతీయ అధికారి లాలప్ప వెల్లడించారు. ప్రథమ సంవత్సరంలో 1,313 మందికి గాను 1,236 మంది హాజరవ్వగా, 77 మంది గైర్హాజరయ్యారు. ద్వితీయ సంవత్సరంలో 1,081 మందికి గాను 1,062 మంది పరీక్ష రాశారని, 19 మంది రాలేదని తెలిపారు. విద్యార్థులు ఎటువంటి ఒత్తిడి లేకుండా పరీక్షలు రాయాలని అధికారులు సూచించారు.