News January 4, 2026

ఖమ్మం జిల్లాలో పుష్కలంగా యూరియా నిల్వలు

ఖమ్మం జిల్లాలో ఎరువుల కొరత లేదని, రైతులు ఆందోళన చెందవద్దని కలెక్టర్ అనుదీప్ స్పష్టం చేశారు. జిల్లాలో ప్రస్తుతం 13,795 మెట్రిక్ టన్నుల యూరియా నిల్వలు సిద్ధంగా ఉన్నాయని వెల్లడించారు. ఇందులో మార్క్ ఫెడ్ వద్ద 9,736 టన్నులు, ప్యాక్స్ కేంద్రాల్లో 900, ప్రైవేట్ డీలర్ల వద్ద 663 మెట్రిక్ టన్నుల నిల్వలు ఉన్నట్లు పేర్కొన్నారు. అవసరానికి మించి ఎరువులను కొనుగోలు చేసి నిల్వ చేసుకోవద్దని హితవు పలికారు.