News January 6, 2026

పందిళ్లపల్లి రేక్ పాయింట్‌కు భారీగా ఎరువుల రాక

చింతకాని మండల పరిధిలోని పందిళ్లపల్లి రేక్ పాయింట్‌కు సోమవారం భారీగా ఎరువుల నిల్వలు చేరుకున్నాయి. సీఐఎల్ కంపెనీకి చెందిన మొత్తం 2,640.30 మెట్రిక్ టన్నుల కాంప్లెక్స్ ఎరువులు వచ్చినట్లు టెక్నికల్ ఏఓ పవన్ కుమార్ తెలిపారు. ఇందులో 20.20.0.13 రకం 1,339.80 టన్నులు, 28.28.0 రకం 1,300.50 టన్నులు ఉన్నాయని వివరించారు. జిల్లాలోని వివిధ ప్రాంతాలకు తరలించి రైతులకు అందుబాటులోకి తీసుకురానున్నట్లు పేర్కొన్నారు.