News April 29, 2024

‘టైటానిక్ వాచ్‌’కు వేలంలో రూ.12కోట్లు!

టైటానిక్‌లో ప్రయాణించిన US వ్యాపారి జాన్ జాకబ్ ఆస్టొర్‌కు చెందిన గోల్డెన్ పాకెట్ వాచ్ వేలంలో భారీ ధరకు అమ్ముడు పోయింది. ఓ అమెరికన్ 1.17 మిలియన్ పౌండ్లు (రూ.12.23కోట్లు) వెచ్చించి దీనిని దక్కించుకున్నారు. ఈ వాచ్‌పై JJA అని ఆస్టొర్ పేరులోని మొదటి అక్షరాలు చెక్కి ఉండటం ఆకర్షణగా నిలుస్తోంది. ప్రమాదం సమయంలో భార్యతో ప్రయాణిస్తున్న ఆస్టోర్ (47) ఆమెను సురక్షితంగా లైఫ్‌బోటుకు తరలించి తనువు చాలించాడు.