News June 1, 2024
ఏపీలో వైసీపీకి 2-4 ఎంపీ సీట్లు: ఇండియా టుడే
ఆంధ్రప్రదేశ్‌లో వైసీపీకి ఈసారి 2-4 ఎంపీ సీట్లు వస్తాయని ఇండియా టుడే మై యాక్సిస్ సర్వే వెల్లడించింది. కూటమికి 21-23 సీట్లు వస్తాయని అంచనా వేసింది. ఏపీ, ఒడిశా అసెంబ్లీ ఎన్నికల ఎగ్జిట్ పోల్స్‌ను ఆదివారం సాయంత్రం ప్రకటిస్తామని తెలిపింది. దేశంలో పోల్ సర్వేల్లో ఇండియా టుడే మై యాక్సిస్‌కు విశ్వసనీయత ఎక్కువ. ఇప్పటివరకు వచ్చిన అంచనాలు మిక్స్‌డ్‌గా ఉండటంతో ఈ సంస్థ ఏం చెప్పబోతుందనే ఉత్కంఠ అందరిలో నెలకొంది.
Similar News
News November 29, 2025
సీఎం రేవంత్ రెడ్డి సిద్దిపేట జిల్లా పర్యటన ఖరారు
ప్రజా పాలన ప్రజా విజయోత్సవాల్లో భాగంగా CM రేవంత్ రెడ్డి జిల్లాలలో పర్యటించనున్నారు. డిసెంబర్ 1 నుంచి 9 వరకు ప్రజా పాలన వారోత్సవాలు నిర్వహించాలని కేబినెట్ నిర్ణయించింది. ఈ నేపథ్యంలో సీఎం రేవంత్ రెడ్డి సిద్దిపేట జిల్లా పర్యటన షెడ్యూల్ ఖరారైంది. సిద్దిపేట జిల్లా హుస్నాబాద్‌లో డిసెంబర్ 3న బహిరంగ సభ నిర్వహించడానికి కాంగ్రెస్ నాయకులు ఇప్పటికే ఏర్పాట్లను చేపడుతున్నారు.
News November 29, 2025
తెలుగులో ‘రాజమౌళి వారణాసి’గా మూవీ రిలీజ్?
రాజమౌళి-మహేశ్‌బాబు కాంబినేషన్‌లో తెరకెక్కుతోన్న ‘వారణాసి’ మూవీని మరో నిర్మాణ సంస్థ తెలుగులో రిజిస్టర్ చేసుకున్న విషయం తెలిసిందే. తాజాగా ఈ టైటిల్‌పై వివాదం సద్దుమణిగినట్లు సమాచారం. దీంతో తెలుగులో ‘రాజమౌళి వారణాసి’, మిగిలిన అన్ని భాషల్లో ‘వారణాసి’ పేరుతోనే సినిమాను రిలీజ్ చేయనున్నట్లు తెలుస్తోంది. మేకర్స్ త్వరలోనే దీనిపై అధికారిక ప్రకటన చేసే అవకాశం ఉంది. కాగా ఈ చిత్రం 2027 వేసవిలో రిలీజ్ కానుంది.
News November 29, 2025
రాజధాని రైతుల సమస్యలకు నెలలో పరిష్కారం: పెమ్మసాని
AP: రాజధాని అమరావతి రైతులకు పింఛన్లు, హెల్త్ కార్డు సమస్యలను నెలలో పరిష్కరిస్తామని కేంద్ర మంత్రి పెమ్మసాని చంద్రశేఖర్ తెలిపారు. గ్రామ కంఠాలు, జరీబు భూములపై సర్వే చేస్తామని, ఎవరికీ అన్యాయం జరగనివ్వమని స్పష్టం చేశారు. అసైన్డ్ ల్యాండ్స్, లంక భూములపై వచ్చే క్యాబినెట్ సమావేశంలో నిర్ణయం తీసుకునే అవకాశం ఉందని మంత్రి నారాయణ చెప్పారు. ప్రతి రెండువారాలకోసారి రైతులతో సమావేశమై సమస్యలు వింటామని హామీ ఇచ్చారు.