News November 9, 2024
వరుసగా 2 సెంచరీలు.. సంజూ రికార్డ్
సౌతాఫ్రికాతో తొలి T20లో సంజూ శాంసన్ సెంచరీతో చెలరేగిన విషయం తెలిసిందే. అంతకుముందు అతడు HYDలో బంగ్లాతో T20లోనూ సెంచరీ చేశారు. దీంతో టీ20ల్లో భారత్ తరఫున వరుసగా 2 సెంచరీలు బాదిన ఆటగాడిగా చరిత్ర సృష్టించారు. ఓవరాల్‌గా ఈ ఫీట్ సాధించిన నాలుగో బ్యాటర్‌గా నిలిచారు. తొలి 3 స్థానాల్లో మెకియాన్, రొసోవ్, సాల్ట్ ఉన్నారు. ఇక T20ల్లో IND తరఫున 2 సెంచరీలు చేసిన తొలి వికెట్ కీపర్‌గానూ సంజూ రికార్డ్ నెలకొల్పారు.
Similar News
News December 9, 2024
14 ఏళ్ల బాలిక తెగింపు.. ఓ దేశాన్ని కదిలించింది
సిరియా అధ్యక్షుడు, డాక్టర్ బషర్ అల్ అసద్ దేశాన్ని వీడటంతో ఆ దేశం రెబల్స్ వశమైంది. ఈ పోరాటానికి 14 ఏళ్ల బాలిక తెగింపు ఆజ్యం పోసింది. అసద్ అరాచకాలను తట్టుకోలేక 2011లో ఆమె దారా అనే గ్రామంలోని గోడలపై ‘ఇక నీ వంతు డాక్టర్’ అని గ్రాఫిటీ చిత్రాలు వేసింది. దీంతో ఆ బాలిక, స్నేహితురాళ్లను పోలీసులు 26 రోజులు హింసించారు. ఈ క్రమంలో దారాలో మొదలైన తిరుగుబాటు దేశంలో అంతర్యుద్ధానికి దారితీసి అసద్ పతనంతో ముగిసింది.
News December 9, 2024
రేపటి నుంచి సమ్మెలోకి సమగ్ర శిక్ష ఉద్యోగులు
TG: తమను రెగ్యులర్ చేస్తామని CM రేవంత్ ఇచ్చిన హామీ నెరవేరలేదని సమగ్ర శిక్ష ఉద్యోగులు తెలిపారు. ఈ నేపథ్యంలో ఈ నెల 10నుంచి సమ్మెకు దిగుతున్నట్లు చెప్పారు. 20ఏళ్లుగా తక్కువ జీతాలకు పని చేస్తున్నామని, పెరిగిన నిత్యావసరాలకు అనుగుణంగా వేతనాలు లేక ఇబ్బందులు పడుతున్నామని వాపోయారు. సమ్మెతో కేజీబీవీలు, అర్బన్ రెసిడెన్షియల్ స్కూళ్లు, భవిత సెంటర్లలో బోధన నిలిచిపోయే అవకాశం ఉందని అధికారులు ఆందోళనలో ఉన్నారు.
News December 9, 2024
నేడు తెలంగాణ బంద్‌కు మావోయిస్టుల పిలుపు
TG: ములుగు జిల్లా చల్పాక <<14757563>>ఎన్‌కౌంటర్‌<<>>కు నిరసనగా మావోయిస్టులు నేడు రాష్ట్ర బంద్‌కు పిలుపునిచ్చారు. ఆహారంలో విష ప్రయోగం చేసి కాల్చి చంపారని వారు ఆరోపించారు. మావోల బంద్ పిలుపు నేపథ్యంలో ఏజెన్సీలో ఉద్రిక్తత నెలకొంది. తెలంగాణ, మహారాష్ట్ర, ఛత్తీస్‌గఢ్ సరిహద్దుల్లో పోలీసులు తనిఖీలు చేస్తున్నారు. విద్యాలయాలు, వ్యాపార సంస్థలు బంద్‌ను పాటించాలని మావోయిస్టులు కోరుతూ లేఖ విడుదల చేసిన విషయం తెలిసిందే.