News August 6, 2024
హసీనా అసిస్టెంట్ పేరిట రూ.284 కోట్లు?
బంగ్లాదేశ్ మాజీ ప్రధాని షేక్ హసీనా అసిస్టెంట్ జహంగీర్ ఆలమ్ పేరిట రూ.284 కోట్ల ఆస్తులున్నట్లు తెలుస్తోంది. ప్రస్తుతం ఆయన యూఎస్లో నివసిస్తున్నట్లు సమాచారం. హసీనా ఆస్తుల విలువ రూ.3.14 కోట్లు కాగా, ఆమె అసిస్టెంట్ ఆస్తుల విలువ రూ.284 కోట్లు ఉండటం బంగ్లాలో చర్చనీయాంశంగా మారింది. కాగా తనకు ఆరెకరాల భూమి ఉందని, అందులో పండే పంటల ద్వారా ఆదాయం వస్తుందని హసీనా గత ఎన్నికల అఫిడవిట్లో పేర్కొన్నారు.
Similar News
News December 21, 2025
రేషన్ లబ్ధిదారుల కోసం ‘T-రేషన్’ యాప్
TG: రేషన్ లబ్ధిదారుల కోసం ప్రభుత్వం ‘T-రేషన్’ యాప్ తీసుకొచ్చింది. కార్డు యాక్టీవ్లో ఉందా? ఆధార్తో లింక్ అయిందా? మీ రేషన్ డీలర్, షాప్ నంబర్, లొకేషన్, రేషన్ కోటా, ఇప్పటివరకు ఎంత అందుకున్నారు వంటి వివరాలు ఈ యాప్లో చెక్ చేసుకోవచ్చు. వివరాలన్నీ తెలుగులో అందుబాటులో ఉంటాయి. ప్లేస్టోర్ నుంచి యాప్ డౌన్లోడ్ చేసుకోవచ్చు. కాగా ప్రభుత్వం ఇటీవల మీసేవా వాట్సాప్, యూరియా యాప్నూ తీసుకొచ్చిన సంగతి తెలిసిందే.
News December 21, 2025
పవన్కు భయపడే వారు ఎవరూ లేరు: పేర్ని నాని
AP: పవన్ కళ్యాణ్ <<18621637>>వ్యాఖ్యలపై<<>> YCP నేత, మాజీమంత్రి పేర్ని నాని తీవ్రస్థాయిలో స్పందించారు. పవన్ మాటలు సినిమా డైలాగుల్లా ఉన్నాయని, భయపడే వారు ఎవరూ లేరన్నారు. కూటమి MLAలు ఉత్తరాంధ్రలో దోచుకుంటున్నారని ఆరోపించారు. దమ్ముంటే పవన్ తన ఎమ్మెల్యేలను కంట్రోల్ చేయాలని సవాల్ విసిరారు. మెడికల్ కాలేజీలను దోచుకోవాలని చూస్తే ఊరుకునేది లేదని తమ ప్రభుత్వం వచ్చాక జైలుకు పంపుతామని హెచ్చరించారు.
News December 21, 2025
రేపు మంత్రులతో సీఎం రేవంత్ సమావేశం
TG: సీఎం రేవంత్ రేపు HYDలోని ఇంటిగ్రేటెడ్ పోలీస్ కమాండ్ కంట్రోల్ సెంటర్లో మంత్రులతో సమావేశం కానున్నారు. అసెంబ్లీ శీతాకాల సమావేశాలు, పంచాయతీ ఎన్నికల ఫలితాలు, పరిషత్ ఎన్నికలు, బీసీ రిజర్వేషన్ల పెంపు, గ్లోబల్ సమ్మిట్లో జరిగిన ఒప్పందాలు, ఐఏఎస్, ఐపీఎస్ అధికారుల బదిలీ, కార్పొరేషన్ ఛైర్మన్ల నియామకం తదితర అంశాలపై చర్చించనున్నట్లు సమాచారం. ఈ భేటీలో ఎలాంటి నిర్ణయాలు తీసుకుంటారనే దానిపై ఆసక్తి నెలకొంది.