News August 11, 2024
రాష్ట్రానికి 3 లక్షల ఇళ్లు: కేంద్ర మంత్రి కిషన్రెడ్డి
ప్రధానమంత్రి ఆవాస్ యోజన కింద తెలంగాణలోని అర్బన్ ప్రాంతాలకు 3 లక్షల ఇళ్లు కేటాయించాలని కేంద్ర క్యాబినెట్ నిర్ణయించిందని కేంద్ర మంత్రి కిషన్ రెడ్డి వెల్లడించారు. ఈ స్కీమ్ కింద గతంలో కేంద్రం 2.5లక్షల ఇళ్లు ఇస్తే బీఆర్ఎస్ ప్రభుత్వం తీసుకోలేదని తెలిపారు. ఇళ్ల కేటాయింపుపై రాష్ట్రం నుంచి ఇంకా ప్రతిపాదన రాలేదని, రాగానే మంజూరు చేయనున్నట్లు పేర్కొన్నారు.
Similar News
News September 10, 2024
మీ స్మార్ట్ఫోన్ రేడియేషన్ తెలుసుకోండిలా..!
మొబైల్ ఫోన్ల నుంచి రేడియేషన్ వెలువడుతుందన్న సంగతి తెలిసిందే. అది ఏ స్థాయిలో ఉందో తెలుసుకోవాలని చాలామంది భావిస్తుంటారు. దీన్ని స్పెసిఫిక్ అబ్జార్షన్ రేట్(SAR) ద్వారా తెలుసుకోవచ్చు. దీన్ని ఫోన్ కొన్నప్పుడు ఇచ్చే యూజర్ మాన్యువల్ లేదా ఆ సంస్థ వెబ్సైట్లో చూడొచ్చు. లేదంటే మీ ఫోన్లో *#07# డయల్ చేసినా ఆ వివరాల్ని తెలుసుకోవచ్చు.
News September 10, 2024
మలయాళ సినిమాలో అల్లు అర్జున్ ఫ్యాన్స్కు థాంక్స్
అల్లు అర్జున్కు కేరళలోనూ భారీగా అభిమానులున్న విషయం తెలిసిందే. అక్కడ ఫ్యాన్స్ అసోసియేషన్లూ ఉన్నాయి. ఇటీవల మాలీవుడ్లో విడుదలైన క్రైమ్ థ్రిల్లర్ ‘తలవన్’ మూవీ ఎండ్కార్డులో ‘ఆల్ కేరళ అల్లు అర్జున్ ఫ్యాన్స్& వెల్ఫేర్ అసోసియేషన్’కు మేకర్స్ థాంక్స్ చెప్పారు. హీరోకు ధన్యవాదాలు చెప్పడం కామన్ అని, అభిమానులకూ చెప్పడం bhAAi రేంజ్కు నిదర్శనమని నెటిజన్లు కామెంట్స్ చేస్తున్నారు.
News September 10, 2024
రంజీ ట్రోఫీ పేరు ఎలా వచ్చిందో తెలుసా..?
భారత దేశవాళీ క్రికెట్ అంటే మొదటగా గుర్తొచ్చేది రంజీ ట్రోఫీనే. అలనాటి భారత క్రికెటర్ రంజిత్ సింగ్ పేరు మీదుగా టోర్నీకి రంజీ పేరు పెట్టారు. 1872, సెప్టెంబరు 10న రైతు కుటుంబంలో జన్మించిన రంజిత్ యాషెస్లో ఇంగ్లండ్ తరఫున ఆస్ట్రేలియాపై ఆడారు. భారత్కు క్రికెట్ను పరిచయం చేసింది ఆయనే. రంజిత్ ఆటను చూసి, క్రికెట్ను కనిపెట్టిన బ్రిటిషర్లు సైతం ముగ్ధులయ్యేవారని చెబుతారు. నేడు రంజిత్ సింగ్ జయంతి.