News May 22, 2024
ఒక్కో డాట్ బాల్కు 500 మొక్కలు
ఐపీఎల్ ప్లే ఆఫ్స్లో డాట్ బాల్కు మొక్కలు నాటే కార్యక్రమాన్ని బీసీసీఐ ఈ ఏడాదీ కొనసాగించనుంది. ఒక్కో డాట్ బాల్కు 500 మొక్కలు నాటనుంది. గతేడాది ప్లే ఆఫ్స్లో 294 డాట్ బాల్స్ నమోదవ్వగా.. బీసీసీఐ మొత్తం 1,47,000 మొక్కలు నాటింది. మరి ఈ ఏడాది ఎన్ని డాట్ బాల్స్ నమోదవుతాయో చూడాలి. పర్యావరణ పరిరక్షణ కోసం బీసీసీఐ తీసుకున్న ఈ నిర్ణయంపై క్రికెట్ ప్రియులు ప్రశంసలు కురిపిస్తున్నారు.
Similar News
News April 18, 2026
సభకు నేనొచ్చా.. వాళ్లు రాలేదు: రాఘవ్ చడ్ఢా
రాజ్యసభకు గైర్హాజరైన సొంత పార్టీ నేతలపై ఎంపీ రాఘవ్ చడ్ఢా విమర్శలు చేశారు. ‘మా పార్టీ సభా పక్షనేత ఇక్కడ లేరు. కొత్తగా నియమితులైన డిప్యూటీ లీడర్ కూడా రాలేదు. నన్ను డిప్యూటీ లీడర్ పదవి నుంచి ఇటీవల తొలగించారు. నేను సభకు వచ్చాను. మాట్లాడేందుకు అవకాశం ఇచ్చినందుకు థాంక్స్’ అని అన్నారు. రాజ్యసభ డిప్యూటీ ఛైర్మన్గా మరోసారి నియమితులైన హరివంశ్ సింగ్కు అభినందనలు తెలిపారు.
News April 18, 2026
ఏప్రిల్ 18: చరిత్రలో ఈరోజు
* 1809: కవి, పండితుడు హెన్రీ డెరోజియా జననం
* 1880: రచయిత టేకుమళ్ల అచ్యుతరావు జననం
* 1958: విండీస్ మాజీ క్రికెటర్ మాల్కం మార్షల్ జననం
* 1859: స్వాతంత్ర్యసమరయోధుడు తాంతియా తోపే మరణం
* 1955: శాస్త్రవేత్త ఆల్బర్ట్ ఐన్స్టీన్ మరణం(ఫొటోలో)
* 1980: సంగీత దర్శకుడు అనూప్ రూబెన్స్ జననం
* ప్రపంచ సాంస్కృతిక దినోత్సవం
* ప్రపంచ వారసత్వ దినోత్సవం
News April 18, 2026
అణు కార్యక్రమాన్ని ఇరాన్ ఆపేస్తుంది: ట్రంప్
ఇరాన్ తన అణు కార్యక్రమాన్ని నిరవధికంగా నిలిపివేయడానికి అంగీకరించిందని అమెరికా అధ్యక్షుడు ట్రంప్ చెప్పారు. తాము స్తంభింపజేసిన నిధులను ఆ దేశానికి ఇవ్వబోమని స్పష్టంచేశారు. ‘యురేనియం శుద్ధిని ఆపేస్తామని ఇరాన్ తెలిపింది. రెండు దేశాల మధ్య చాలా కీలక అంశాలు ఇప్పటికే పరిష్కారమయ్యాయి. చర్చలు ముగింపు దశకు చేరుకున్నాయి. ఈ వారాంతంలోనే శాశ్వత ఒప్పందంపై చర్చలు జరుగుతాయి’ అని ఫోన్ ఇంటర్వ్యూలో తెలిపారు.