News June 30, 2024
ISS కూల్చివేతకు రూ.7000 కోట్లు!
అంతర్జాతీయ అంతరిక్ష కేంద్రాన్ని<<13518740>>(ISS)<<>> కూల్చివేసేందుకు నాసా ప్రణాళికలు ప్రారంభించింది. ఇందుకోసం ఎలాన్ మస్క్‌కు చెందిన స్పేస్ ఎక్స్ సంస్థతో 843 మిలియన్ డాలర్లు(రూ.7000 కోట్లకు పైమాటే) ఒప్పందం కుదుర్చుకుంది. దీని జీవిత కాలం 2030తో ముగుస్తుంది. ఆ తర్వాత దీన్ని తొలగించనున్నారు. ఇది భూమికి 400km ఎత్తులో పరిభ్రమిస్తుంటుంది. US, రష్యా, జపాన్, ఐరోపా, కెనడా దేశాలు దీన్ని సంయుక్తంగా నిర్వహిస్తుంటాయి.
Similar News
News December 1, 2024
ఈ జిల్లాలోనూ స్కూళ్లకు సెలవు
AP: ఫెంగల్ తుఫాన్ ప్రభావంతో కురుస్తున్న భారీ వర్షాలతో అన్నమయ్య జిల్లాలోని అన్ని విద్యాసంస్థలకు డిసెంబర్ 2న సెలవు ప్రకటించారు. రేపు అన్ని ప్రభుత్వ, ప్రైవేట్ స్కూళ్లు, కాలేజీలు, అంగన్‌వాడీ కేంద్రాలకు సెలవు ఇస్తున్నట్లు కలెక్టర్ చామకూరి శ్రీధర్ ప్రకటించారు. విద్యాసంస్థలన్నీ సెలవు ఇవ్వకపోతే చర్యలు తీసుకుంటామని ఆయన హెచ్చరించారు. అటు నెల్లూరు, తిరుపతి, YSR జిల్లాల్లోనూ సెలవు ఇవ్వాలని కోరుతున్నారు.
News December 1, 2024
‘పీలింగ్స్’పై స్పందించిన రష్మిక.. అల్లు అర్జున్ కామెంట్ ఇదే!
పుష్ప-2 నుంచి ‘పీలింగ్స్’ సాంగ్ విడుదలైన సంగతి తెలిసిందే. డాన్స్ విషయంలో తన కెరీర్లో ఇప్పటి వరకూ ఇదే అత్యంత కష్టమైన సాంగ్ అని రష్మిక ట్వీట్ చేశారు. ‘పీలింగ్స్ సాంగ్ ఫుల్ వైబ్, ఫుల్ మాస్. ఎవరైనా ఎత్తుకుంటే నాకు చాలా భయం. అల్లు అర్జున్ సార్ వల్ల ఆ భయాన్ని దాటాను. చాలా కష్టమైన పాట కానీ ఎంజాయ్ చేశాను’ అని పేర్కొన్నారు. అద్భుతంగా డాన్స్ చేశారంటూ ‘యూ రాక్డ్’ అని అల్లు అర్జున్ ఆమెకు బదులిచ్చారు.
News December 1, 2024
అలా అయితే దేశం వృద్ధి చెందదు: రాహుల్
ఆర్థిక వ్య‌వ‌స్థ ప్ర‌యోజ‌నాలు కొద్ది మంది బిలియ‌నీర్ల‌కే దక్కినంత కాలం దేశం వృద్ధి చెందదని రాహుల్ గాంధీ వ్యాఖ్యానించారు. పేద‌ల ఆర్థిక సమస్యలు పరిష్కారమైతేనే అభివృద్ధి సాధ్యమని పేర్కొన్నారు. రిటైల్ ద్ర‌వ్యోల్బ‌ణం 14 నెల‌ల క‌నిష్ఠానికి, GDP వృద్ధి రెండేళ్ల క‌నిష్ఠ స్థాయి 5.4 శాతానికి ప‌డిపోవ‌డం ఆందోళ‌న‌క‌ర‌మ‌న్నారు. అంద‌రికీ స‌మాన అవ‌కాశాల‌తో ఆర్థిక వ్య‌వస్థ‌కు కొత్త ఆలోచ‌న‌లు అవ‌స‌ర‌మ‌న్నారు.