News October 7, 2025
రైల్వేలో 8,050 పోస్టులు.. త్వరలో దరఖాస్తులు ప్రారంభం
రైల్వేలో 8,050 నాన్ టెక్నికల్ పోస్టులకు త్వరలో దరఖాస్తులు ప్రారంభం కానున్నాయి. గ్రాడ్యుయేట్ స్థాయిలో 5,000, అండర్ గ్రాడ్యుయేట్ స్థాయిలో 3,050 పోస్టులు ఉన్నాయి. డిగ్రీ, ఇంటర్ ఉత్తీర్ణులైనవారు ఈ పోస్టులకు అర్హులు. గ్రాడ్యుయేట్ పోస్టులకు దరఖాస్తులను ఈనెల 21 నుంచి NOV 20వరకు, అండర్ గ్రాడ్యుయేట్ పోస్టులకు ఈనెల 28 నుంచి NOV 27వరకు RRB స్వీకరించనుంది. త్వరలో పూర్తి స్థాయి నోటిఫికేషన్ విడుదల కానుంది.
Similar News
News March 20, 2026
రాష్ట్రంలోని పలు జిల్లాలకు వర్షసూచన
AP: పశ్చిమ బంగాళాఖాతంలో ఉపరితల ఆవర్తనం కొనసాగుతోందని వాతావరణ శాఖ తెలిపింది. దీని ప్రభావంతో రానున్న 24 గంటల్లో ఉత్తరాంధ్ర, కోస్తా, రాయలసీమలోని కొన్ని జిల్లాల్లో వర్షాలు పడతాయని అంచనా వేసింది. మరికాసేపట్లో కృష్ణా జిల్లాలో వర్షాలు పడే ఛాన్స్ ఉందని చెప్పింది. ఇప్పటికే ఆ జిల్లాలో కొన్ని చోట్ల ఆకాశం మేఘావృతమై ఉంది. మరో 2 రోజులు రాష్ట్ర వ్యాప్తంగా వర్షాలు పడతాయని వాతావరణ శాఖ హెచ్చరించిన విషయం తెలిసిందే.
News March 20, 2026
వెయిట్ లాస్ మందుల ధర తగ్గించిన నాట్కో
అధిక బరువుతో బాధపడేవారికి NATCO గుడ్ న్యూస్ చెప్పింది. నోవో నార్డిస్క్ పేటెంట్ గడువు ముగియడంతో సెమాగ్లుటైడ్ జెనరిక్ వెర్షన్ను అత్యంత చౌకగా మార్కెట్లోకి తెచ్చింది. SEMANATTM, SEMAFULLTM బ్రాండ్ల పేరుతో లభించే మల్టీ-డోస్ వయల్స్ ధరను కేవలం ₹1,290గా నిర్ణయించింది. ఇది అసలు బ్రాండ్ ధర కంటే దాదాపు 90% తక్కువ కావడం విశేషం. ఏప్రిల్లో పెన్ డివైజ్లు కూడా అందుబాటులోకి రానున్నాయి.
News March 20, 2026
ఉద్యోగులకు డిజిటల్ హెల్త్ కార్డులు
TG: ప్రభుత్వ ఉద్యోగులు, పెన్షనర్లు ఎంతోకాలంగా ఎదురుచూస్తున్న నగదు రహిత ఆరోగ్య భద్రత పథకాన్ని(EHS) ప్రారంభిస్తున్నట్లు బడ్జెట్ ప్రసంగంలో భట్టి విక్రమార్క ప్రకటించారు. రాజీవ్ ఆరోగ్యశ్రీ ట్రస్ట్ ద్వారా ప్రభుత్వ ఆసుపత్రులతోపాటు 421 ఎంప్యానెల్ ప్రైవేటు హాస్పిటల్స్లో 1,998 వ్యాధులకు చికిత్స పొందవచ్చని తెలిపారు. ప్రతి ఉద్యోగికి డిజిటల్ హెల్త్ కార్డు అందిస్తామన్నారు.