News December 6, 2024
పోలీస్ స్టేషన్లలో హడావుడి చేసేవారిని వదిలిపెట్టొద్దు: రేవంత్
TG: ఫ్రెండ్లీ పోలీసింగ్ అంటే క్రిమినల్స్తో ఫ్రెండ్లీగా ఉండటం కాదని CM రేవంత్ వ్యాఖ్యానించారు. పోలీసులంటే నేరగాళ్ల వెన్నులో వణుకు పుట్టాలన్నారు. స్టేషన్లకు వచ్చి హడావుడి చేసే వాళ్లను వదిలిపెట్టొద్దని ఆదేశించారు. ఇటీవల బంజారాహిల్స్ పీఎస్లో హల్చల్ చేసిన BRS MLA పాడి కౌశిక్ రెడ్డిని ఉద్దేశిస్తూ సీఎం ఈ వ్యాఖ్యలు చేసినట్లు తెలుస్తోంది. అయితే ఇప్పటికే కౌశిక్పై పోలీసులు కేసు నమోదు చేశారు.
Similar News
News February 6, 2026
లోక్సభ సోమవారానికి వాయిదా.. కొనసాగుతున్న రాజ్యసభ
లోక్సభ సోమవారానికి వాయిదా పడింది. నిరసనలు, నినాదాలతోనే 19 గంటల సభా సమయం వృథా అయిందని సభ వాయిదాకు ముందు స్పీకర్ ఓం బిర్లా చెప్పారు. అమెరికా, EU వాణిజ్య ఒప్పందంపై చర్చకు ప్రతిపక్షాలు పట్టుబట్టాయి. సభ ప్రారంభమైనప్పటి నుంచి సభ్యులు ప్లకార్డులు పట్టుకొని వెల్లోకి దూసుకెళ్లడానికి ప్రయత్నించారు. బడ్జెట్పై శుక్రవారం సాధారణ చర్చ జరగాల్సి ఉంది. ఇక, లిస్ట్ ప్రకారం రాజ్యసభలో చర్చలు కొనసాగుతున్నాయి.
News February 6, 2026
ఫిరాయింపు ఎమ్మెల్యేల కేసు విచారణ వాయిదా
TG: పార్టీ ఫిరాయింపు MLAల కేసు విచారణను సుప్రీంకోర్టు 3 వారాలకు వాయిదా వేసింది. MLAల పిటిషన్లపై స్పీకర్ విచారణ జరుపుతున్నారని, 3 వారాల సమయం కావాలని స్పీకర్ తరఫు న్యాయవాది అభిషేక్ సింఘ్వీ ధర్మాసనాన్ని కోరారు. 8 మంది MLAల విషయంలో నిర్ణయం తీసుకున్నామని, మరో ఇద్దరిపై నిర్ణయం తీసుకోవాల్సి ఉందన్నారు. 3 వారాల్లో సానుకూల నిర్ణయం తీసుకోకపోతే కోర్టు ధిక్కరణ కింద పరిగణిస్తామని ధర్మాసనం స్పష్టం చేసింది.
News February 6, 2026
కలలు కనకపోవడమూ నేరమే: మోదీ
బయోగ్రఫీలు చదవడం అలవాటు చేసుకోవాలని విద్యార్థులకు ప్రధాని మోదీ సూచించారు. ‘ఇతరుల జీవిత కథలు చదివితే స్ఫూర్తి పొందుతాం. ఆలోచనా విధానంలో మార్పు వస్తుంది. పెద్దగా కలలు కనండి. వాటిని సాధించుకోవడానికి బాధ్యతగా పనిచేయండి. టెక్నాలజీని తెలివిగా వాడుకోండి. ముందు తరాలకు లేని ఎన్నో అవకాశాలు నేటి తరానికి టెక్నాలజీ రంగంలో ఉన్నాయి. ఏ కల కనకపోవడమూ నేరమే’ అని పరీక్షా పే చర్చలో చెప్పారు.