News December 20, 2024
లాభం వస్తే స్పాన్సర్ ఎందుకు వెనక్కి వెళ్లారు?: HCలో ఏజీ ప్రశ్న
TG: ఈ కార్ రేసింగ్తో ప్రభుత్వానికి భారీ లాభం వస్తే స్పాన్సర్ ఎందుకు వెనక్కి వెళ్లారని ఏజీ సుదర్శన్ రెడ్డి హైకోర్టులో వాదించారు. కేటీఆర్ దాఖలు చేసిన క్వాష్ పిటిషన్పై హైకోర్టులో విచారణ జరుగుతోంది. ‘ఇప్పటికే ప్రాథమిక దర్యాప్తు పూర్తయింది. గవర్నర్ అనుమతి తీసుకున్నాం. అగ్రిమెంట్ లేకుండానే 2 విడతల్లో OCT 3, 11 తేదీల్లో డబ్బు పంపారు. రేసులో ఆర్బిట్రేషన్ను FPO వెనక్కి తీసుకుంది’ అని ఏజీ తెలిపారు.
Similar News
News January 3, 2026
నేడు ఉల్లి రైతుల ఖాతాల్లోకి డబ్బులు
AP: ప్రకృతి వైపరీత్యాలు, ధరల పతనంతో నష్టపోయిన ఉల్లి రైతులను ఆదుకోవాలని ప్రభుత్వం నిర్ణయించింది. రైతుల ఖాతాల్లో డబ్బులు జమ చేయనుంది. ఖరీఫ్లో ఉల్లి సంక్షోభాన్ని ప్రభుత్వం గుర్తించిందని మంత్రి అచ్చెన్నాయుడు తెలిపారు. కర్నూలు, కడప జిల్లాలకు చెందిన 37,752 మంది రైతుల అకౌంట్లలో రూ.128.33 కోట్లను ఈరోజు జమ చేయనున్నారు. కర్నూల్ జిల్లాల్లోనే 31,352 మంది ఖాతాల్లో రూ.99.92కోట్లు జమ కానున్నట్లు పేర్కొన్నారు.
News January 3, 2026
వంటింటి చిట్కాలు
* బియ్యం కడిగిన నీటిలో కోడిగుడ్లను ఉడకబెడితే పెంకులు సులువుగా వస్తాయి.
* కూరల్లో పులుపు తక్కువయితే మామిడి పొడితో పెరుగును కలిపి కూరలో వేస్తే టమాటా రుచి వస్తుంది.
* ఆలూ పరాటా చేసేటప్పుడు ఉడికించిన బంగాళదుంపలను కాసేపు ఫ్రిజ్లో పెట్టి, చల్లారిన తర్వాత పరోటా చేస్తే జిగటగా లేకుండా చక్కగా వస్తాయి.
* సేమ్యా హల్వా రుచిగా రావాలంటే చెంచా సెనగపిండి కలిపితే సరిపోతుంది.
News January 3, 2026
కొత్తగా రైల్వన్ యాప్.. పాత సీజన్ పాస్, వ్యాలెట్ల పరిస్థితేంటి?
UTS(అన్రిజర్వ్డ్ టికెటింగ్ సిస్టమ్) యాప్లో లోకల్ రైళ్ల నెలవారీ పాస్ను బుక్ చేసుకునే సౌకర్యాన్ని రైల్వే నిలిపేసింది. రైల్వన్ యాప్ ఉపయోగించాలని చెప్పింది. దీంతో ప్రస్తుత సీజన్ పాస్, R-వ్యాలెట్ బ్యాలెన్స్ ఏమవుతాయోనని ప్రయాణికులు ఆందోళన చెందుతున్నారు. ‘ఇప్పటికే తీసుకున్న పాస్లు గడువు ముగిసేదాకా చెల్లుతాయి. UTSలో ఇకపైనా జనరల్, ప్లాట్ఫామ్ టికెట్లు బుక్ చేసుకోవచ్చు’ అని రైల్వే క్లారిటీ ఇచ్చింది.