News December 25, 2024
నేడు ఢిల్లీలో సీఎం చంద్రబాబు బిజీబిజీ
AP: ఢిల్లీ పర్యటనలో ఉన్న CM చంద్రబాబు ఇవాళ బిజీగా గడపనున్నారు. తొలుత మాజీ PM వాజ్‌పేయి శతజయంతి వేడుకల్లో పాల్గొంటారు. అనంతరం BJP జాతీయాధ్యక్షుడు జేపీ నడ్డా నివాసంలో జరిగే NDA నేతల సమావేశానికి హాజరవుతారు. జమిలి, వక్ఫ్ బిల్లులపై చర్చిస్తారు. అలాగే ప్రధాని మోదీ, కేంద్ర హోంమంత్రి అమిత్ షాతోనూ సీఎం భేటీ అవుతారని సమాచారం. రాష్ట్రానికి సంబంధించిన పలు అంశాలను వారి దృష్టికి తీసుకెళ్తారని తెలుస్తోంది.
Similar News
News December 26, 2024
టాస్ గెలిచిన ఆసీస్.. భారత జట్టులో కీలక మార్పులు
మెల్‌బోర్న్ వేదికగా జరుగుతున్న బాక్సింగ్ డే టెస్టులో టాస్ గెలిచిన ఆసీస్ కెప్టెన్ కమిన్స్ బ్యాటింగ్ ఎంచుకున్నారు. గిల్ స్థానంలో సుందర్ భారత జట్టులోకి వచ్చారు. రోహిత్ మళ్లీ ఓపెనింగ్ చేయనున్నారు.
IND: జైస్వాల్, రోహిత్, రాహుల్, కోహ్లీ, పంత్, జడేజా, నితీశ్, సుందర్, బుమ్రా, సిరాజ్, ఆకాశ్
AUS: ఖవాజా, కోన్ట్సస్, లబుషేన్, స్మిత్, హెడ్, మార్ష్, క్యారీ, స్టార్క్, కమిన్స్, లయన్, బోలాండ్
News December 26, 2024
సూపర్ ఏజ్డ్ ద.కొరియా.. 20 శాతం వృద్ధులే
సంతానోత్పత్తి భారీగా తగ్గిపోవడంతో దక్షిణ కొరియా జనాభా సంక్షోభాన్ని ఎదుర్కొంటోంది. ఆ దేశ మొత్తం జనాభా 5.1 కోట్లుకాగా 65 ఏళ్లు పైబడిన వారు 1.24 కోట్ల మంది(20%) ఉన్నారు. అంటే ప్రతి ఐదుగురిలో ఒకరు వృద్ధులే. ఈ క్రమంలోనే ద.కొరియా ‘సూపర్ ఏజ్డ్ సొసైటీ’గా మారింది. ఐరాస ప్రకారం 7% కంటే ఎక్కువ వృద్ధ జనాభా ఉంటే ఏజింగ్ సొసైటీ, 14% పైన ఉంటే ఏజ్డ్ సొసైటీ, 20% కంటే ఎక్కువ ఉంటే సూపర్ ఏజ్డ్ సొసైటీగా పేర్కొంటారు.
News December 26, 2024
ఏ వయసులో తండ్రి కావాలంటే?
ప్రస్తుత ఉరుకుల పరుగుల ప్రపంచంలో కొందరు పెళ్లైనా పిల్లల గురించి ఆలోచించడం లేదు. కానీ 22 నుంచి 30 ఏళ్ల మధ్యలోనే తండ్రి కావడం ఉత్తమమని ఆరోగ్య నిపుణులు చెబుతున్నారు. ఆ వయసులో టెస్టోస్టెరాన్ హార్మోన్ స్థాయి అత్యధికంగా ఉంటుంది. స్పెర్మ్ చురుకుగా, అధిక నాణ్యతతో ఉంటుంది. 30 ఏళ్లు దాటితే వీర్యంలో నాణ్యత తగ్గి గర్భస్రావం కావచ్చు. 35 ఏళ్ల తర్వాత తండ్రి అయినా పుట్టే బిడ్డ లోపాలతో జన్మించవచ్చు.