News December 30, 2024
కాసులకు కక్కుర్తి పడొద్దు.. ఇన్ఫ్లూయెన్సర్లకు సజ్జనార్ సూచన
TG: డబ్బుల కోసం కక్కుర్తి పడి ఎంతోమందిని బలి తీసుకుంటున్న బెట్టింగ్ యాప్స్ను ప్రచారం చేయొద్దని సోషల్ మీడియా ఇన్ఫ్లూయెన్సర్లకు RTC MD సజ్జనార్ సూచించారు. రాత్రికి రాత్రే కోటీశ్వరులు కావొచ్చని యువత ఆన్లైన్ బెట్టింగ్కు బానిసలై జీవితాలు నాశనం చేసుకుంటున్నారని పేర్కొన్నారు. సొంత లాభం కోసం ప్రజా శ్రేయస్సును విస్మరించడం సమంజసమేనా అని ప్రశ్నించారు. సంఘ విద్రోహశక్తులకు దూరంగా ఉండాలని హితవు పలికారు.
Similar News
News January 2, 2026
రేవంత్రెడ్డిని రెండు సార్లు ఉరితీయాలి: కవిత
TG: MLC కవిత సంచలన వ్యాఖ్యలు చేశారు. KCRను ఉరితీయాలని రేవంత్ అనడం సరికాదని, ఉద్యమకారుడిని అలా అంటే రక్తం మరుగుతుందన్నారు. రేవంత్ రెడ్డిని ఒకసారి కాదు, రెండు సార్లు ఉరితీయాలంటూ తీవ్ర ఆగ్రహం వ్యక్తం చేశారు. పాలమూరు-రంగారెడ్డి ప్రాజెక్టులో అక్రమాలపై ప్రశ్నలు లేవనెత్తిన కవిత, BRS మనుగడ కోసం కేసీఆర్ అసెంబ్లీకి రావాలని కోరారు. తన రాజీనామా ఆమోదం కోసం మండలికి వచ్చిన ఆమె ఈ విధంగా కామెంట్స్ చేశారు.
News January 2, 2026
నువ్వుల పంటలో బిహారీ గొంగళి పురుగు – నివారణ
నువ్వుల పంట తొలిదశలో చిన్న గొంగళి పురుగులు ఆకు పత్రహరితాన్ని గోకి తినడం వల్ల ఆకులు జల్లెడలా మారతాయి. ఎదిగిన గొంగళి పురుగులు మొగ్గలకు, పువ్వులకు, కాయలకు రంధ్రాలు చేసి విత్తనాలను తింటాయి. వీటి నివారణకు ఎకరాకు 16- 20 పక్షి స్థావరాలను, హెక్టారుకు ఒక దీపపు ఎరను అమర్చాలి. తొలుత లీటరు నీటికి వేపనూనె 5mlను, తర్వాతి దశలో లీటరు నీటికి క్లోరిఫైరిపాస్ 2.5ml లేదా ఎసిఫేట్ 1.5 గ్రా. కలిపి పిచికారీ చేయాలి.
News January 2, 2026
అధిక బరువుతో ముప్పు.. ఓసారి చెక్ చేసుకోండి!
ఆరోగ్యంగా ఉండాలంటే ఎత్తుకు తగిన బరువు ఉండటం తప్పనిసరి. దీనిని బాడీ మాస్ ఇండెక్స్ (BMI) ఆధారంగా లెక్కిస్తారు. 5 అడుగుల ఎత్తున్న పురుషులు 50-55kgs, మహిళలు 45-50kgs ఉండాలి. అదే 5.5ft ఎత్తున్న అబ్బాయిలు 60-65, అమ్మాయిలు 55-60 కిలోల బరువుండాలి. 6ft ఎత్తున్న మెన్స్ 75-82, ఉమెన్స్ 69-74 కిలోల మధ్య ఉండటం ఉత్తమం. అధిక బరువు గుండె జబ్బులు, మధుమేహానికి దారితీస్తుందని వైద్యులు హెచ్చరిస్తున్నారు. share it