News January 8, 2025
కుంభమేళాలో తిరుమల శ్రీవారి ఆలయం
UPలోని ప్రయాగ్‌రాజ్‌లో జరగనున్న మహాకుంభమేళాలో తిరుమల శ్రీవారి నమూనా ఆలయం ఏర్పాటు చేయనున్నట్లు TTD ఈవో శ్యామలరావు తెలిపారు. JAN 13- FEB 26 వరకు కుంభమేళాకు వచ్చే కోట్లాది మందికి శ్రీవారి దర్శనాన్ని కల్పిస్తామన్నారు. ప్రయాగ్‌రాజ్‌లోని సెక్టార్ 6, బజరంగ్ దాస్ రోడ్డులోని నాగవాసుకి గుడికి సమీపంలో 2.89ఎకరాలలో ఆలయం నిర్మించనున్నట్లు చెప్పారు. సుప్రభాతం నుంచి ఏకాంతసేవ వరకు అన్ని సేవలు జరుగుతాయని తెలిపారు.
Similar News
News January 9, 2025
కాఫీ ఏ టైమ్‌లో తాగుతున్నారు?
రోజంతా కాకుండా కేవలం ఉదయం మాత్రమే కాఫీ తాగడం వల్ల ఆరోగ్య ప్రయోజనాలు మెండుగా ఉంటాయని తాజాగా చేసిన ఓ సర్వే పేర్కొంది. యూఎస్‌లోని తులనే యూనివర్సిటీలోని నిపుణుల బృందం దశాబ్దానికి పైగా చేసిన అధ్యయనంలో ఈ ఫలితాలను ప్రకటించింది. ఇతర సమయాల్లో కాఫీ తాగే వారితో పోలిస్తే ఉదయాన్నే తాగే వారిలో మరణాల రేటు తక్కువగా ఉన్నట్లు పేర్కొంది. సాయంత్రం కాఫీ తాగేవారిలో గుండె సమస్యలు తలెత్తే అవకాశం ఉందని వెల్లడించింది.
News January 9, 2025
బుమ్రా బంగారు బాతు.. చంపేయొద్దు: కైఫ్
భారత క్రికెట్‌కు బుమ్రా బంగారు బాతు వంటి ఆటగాడని, ఆ బాతును ఎక్కువగా వాడి చంపేయకూడదని మాజీ క్రికెటర్ మహ్మద్ కైఫ్ సూచించారు. ‘బుమ్రాను కెప్టెన్‌గా నియమించే ముందు బీసీసీఐ ఒకటికి రెండు సార్లు ఆలోచించుకోవాలి. కెప్టెన్సీ భారాన్ని వేరేవారికి వదిలేసి బుమ్రా కేవలం వికెట్లు తీయడంపై దృష్టి సారించేలా చూడాలి. లేదంటే ఆ ఒత్తిడి అతడికి కొత్త గాయాలను తీసుకొచ్చి మొదటికే మోసం రావొచ్చు’ అని ఆందోళన వ్యక్తం చేశారు.
News January 9, 2025
పిల్లలకు జన్మనిస్తే రూ.81,000.. యువతులకు ఆఫర్
రష్యాలో గత ఏడాది జననాలు తగ్గడంతో ఆ దేశంలోని కరేలియా యంత్రాంగం సంచలన ప్రకటన చేసింది. 25 ఏళ్ల లోపు యువతులు ఆరోగ్యకరమైన చిన్నారులకు జన్మనిస్తే రూ.81,000 ఇస్తామని ప్రకటించింది. కరేలియాకు చెందిన వారై స్థానికంగా చదివేవారిని అర్హులుగా పేర్కొంది. అయితే ఇప్పటికే పిల్లలున్న వారికి ఇది వర్తించదని తెలిపింది. ఇతర ప్రాంతాలు ఇదే విధానాన్ని అనుసరించే యోచనలో ఉన్నాయి.