News March 17, 2024
‘గూగుల్ తప్పు’ అని సైన్ బోర్డు
మీరు గూగుల్ మ్యాప్స్ చూస్తూ కర్ణాటకలోని కొడగు జిల్లాలో ఉన్న క్లబ్ మహీంద్రాకు వెళ్లాలనుకుంటే.. మీకు ఒక సైన్ బోర్డు ఎదురవుతుంది. దానిపై ‘గూగుల్ తప్పు.. ఈ రోడ్డు క్లబ్ మహీంద్రాకు వెళ్లదు’ అని రాసి ఉంటుంది. ట్రావెలర్స్ గూగుల్ మ్యాప్స్‌లో చూస్తూ క్లబ్ మహీంద్రాకు వెళ్లబోయి దారి తప్పుతున్న సంఘటనలు తరచూ చోటు చేసుకుంటున్నాయి. అందరికీ చెప్పడం కష్టం కావడంతో.. అక్కడి స్థానికులు ఇలా బోర్డులు ఏర్పాటు చేశారు.
Similar News
News April 3, 2025
పరిటాల రవి హత్యలో జగన్ పాత్ర ఉంది: సునీత
AP: YCP అధినేత జగన్‌పై MLA పరిటాల సునీత సంచలన వ్యాఖ్యలు చేశారు. ‘పరిటాల రవి హత్యలో జగన్ పాత్ర ఉంది. ఆ కేసులో CBI ఆయన్ను విచారించింది. రాప్తాడులో తోపుదుర్తి సోదరులు ఫ్యాక్షనిజాన్ని రెచ్చగొడుతున్నారు. ఓబుల్‌రెడ్డి, మద్దెలచెరువు సూరి కుటుంబాలను ఫ్యాక్షనిజంలోకి లాగుతున్నారు. ఆ సోదరుల మాటలు నమ్మి కుట్రలో భాగస్వామ్యం కావొద్దు. ప్రశాంతంగా ఉన్న గ్రామాల్లో చిచ్చుపెట్టొద్దు జగన్’ అని సునీత హెచ్చరించారు.
News April 3, 2025
గిల్‌పై కోహ్లీ ఫ్యాన్స్ ఫైర్!
నిన్నటి మ్యాచులో ఆర్సీబీపై విజయం తర్వాత గుజరాత్ కెప్టెన్ గిల్ చేసిన పోస్ట్ కోహ్లీ ఫ్యాన్స్‌‌కు ఆగ్రహాన్ని తెప్పించింది. మ్యాచ్ అనంతరం ‘అరవడంపై కాదు ఆట మీదే మా ధ్యాసంతా’ అని గిల్ ట్వీట్ చేశారు. అంతకుముందు గిల్ ఔటయ్యాక కోహ్లీ బిగ్గరగా అరుస్తూ సెలబ్రేట్ చేసుకున్నారు. దీనిని ఉద్దేశించే గిల్ పోస్ట్ చేశారని, టీమ్ ఇండియాలో మోస్ట్ ఓవర్ రేటెడ్ ప్లేయర్ ఆయనే అంటూ కోహ్లీ ఫ్యాన్స్ మండిపడుతున్నారు.
News April 3, 2025
BREAKING: సుప్రీంకోర్టు కీలక నిర్ణయం
జడ్జిల ఆస్తుల వివరాలు ప్రజలకు తెలిసేలా కోర్టు వెబ్‌సైట్‌లో పబ్లిష్ చేయనున్నట్లు సుప్రీంకోర్టు వెల్లడించింది. ఏప్రిల్ 1న జరిగిన ఫుల్ కోర్టు మీటింగ్‌లో మొత్తం 33 మంది జడ్జిల అంగీకారంతో ఈ నిర్ణయం తీసుకుంది. ఈ సంస్కరణ సుప్రీంకోర్టుకు భవిష్యత్‌లో వచ్చే జడ్జిలకూ వర్తిస్తుందని తెలిపింది. ఇటీవల జడ్జి యశ్వంత్ వర్మ(ఢిల్లీ హైకోర్టు మాజీ జడ్జి) ఇంట్లో భారీగా నోట్లకట్టలు లభ్యమైన నేపథ్యంలో ఈ నిర్ణయం తీసుకుంది.