News January 26, 2025
అజిత్‌కు ‘పద్మ భూషణ్’; కరెక్టా? కౌంటరా?
కోలీవుడ్ హీరో అజిత్‌కు పద్మ భూషణ్ అవార్డు ప్రకటనపై తమిళనాట డివైడ్ డిస్కషన్ అవుతోంది. ఇది తగిన గౌరవమని తల ఫ్యాన్స్ అంటున్నారు. కానీ ఇందులో BJP రాజకీయం ఉందని విజయ్ వర్గం ఆరోపిస్తోంది. గతంలో MGR, కమల్ పార్టీలు పెట్టినప్పుడు శివాజీ గణేషన్, రజినీకాంత్‌లకు ఇలాగే దాదా సాహెబ్ ఫాల్కే అవార్డులు ఇచ్చిందని, ఇప్పుడు తమ హీరో పార్టీ ప్రకటించాక అజిత్‌కు అవార్డుతో కౌంటర్ పాలిట్రిక్స్ ప్లే చేస్తోందని అంటున్నారు.
Similar News
News January 28, 2025
బండి సంజయ్‌కు టీపీసీసీ చీఫ్ కౌంటర్
TG: గద్దర్‌కు పద్మ అవార్డు ఇవ్వబోమన్న కేంద్ర మంత్రి బండి సంజయ్‌కి టీపీసీసీ చీఫ్ మహేశ్ కుమార్ గౌడ్ కౌంటర్ ఇచ్చారు. ఆరెస్సెస్, బీజేపీ నేతలకే అవార్డులు ఇవ్వాలా అని ప్రశ్నించారు. బండి సంజయ్ వ్యాఖ్యలు అభ్యంతరకరమని, రాజ్యాంగ స్ఫూర్తికి విరుద్ధంగా ఉన్నాయని దుయ్యబట్టారు. ప్రజా యుద్ధ నౌకగా గద్దర్ పేరు చిరస్మరణీయమని పేర్కొన్నారు.
News January 28, 2025
నిద్రపోయే ముందు ఇలా చేయట్లేదా?
శరీరం డీహైడ్రేషన్‌కు గురవ్వకుండా ఉండాలంటే తగినంత నీరు అవసరం. రోజును గ్లాసు నీళ్లతో ప్రారంభించడమే కాకుండా నిద్ర పోయే ముందూ గ్లాసు నీరు తాగడం ప్రయోజనకరమని ఆరోగ్య నిపుణులు చెబుతున్నారు. ఇది శరీరం నుంచి విష పదార్థాలను తొలగిస్తుందంటున్నారు. అజీర్తి, గ్యాస్ సమస్యలు ఉన్నవారు గ్లాసు గోరు వెచ్చని నీరు తాగితే బరువు తగ్గేందుకు ఉపయోగపడుతుందని అంటున్నారు.
News January 28, 2025
భార్య ముందు హీరో అవ్వాలా అంటూ కొత్త ఆఫర్!
మలేషియాకు చెందిన షజాలీ సులేమాన్ అనే వ్యక్తి వినూత్న వ్యాపారాన్ని ప్రారంభించాడు. భార్యల ముందు హీరో అవ్వాలనుకునే భర్తలు తనను విలన్‌గా అద్దెకు తీసుకోవచ్చని ఓ ప్రకటనలో తెలిపాడు. భర్త దగ్గర లేని సమయంలో తాను వచ్చి భార్యను వేధిస్తానని, వెంటనే భర్త వచ్చి తనను కొట్టి భార్యను కాపాడి ఆమె ముందు హీరో కావొచ్చని ఆఫర్ ఇచ్చాడు. దీనికోసం వారాంతాల్లో రూ.2963, ఇతర రోజుల్లో రూ.1975 ఛార్జ్ చేస్తున్నాడు.