News January 29, 2025
ఉక్రెయిన్‌తో చర్చలు.. కానీ జెలన్‌స్కీతో కాదు: పుతిన్
ఉక్రెయిన్‌తో చర్చలకు తాము సిద్ధమని రష్యా అధ్యక్షుడు వ్లాదిమిర్ పుతిన్ తెలిపారు. కానీ ఆ దేశ అధ్యక్షుడు జెలన్‌స్కీతో మాత్రం ఎట్టిపరిస్థితుల్లో తాను చర్చలు జరపనని స్పష్టం చేశారు. ఒకవేళ జెలన్‌స్కీ చర్చలకు వస్తే నా తరఫున ఇతరులను పంపిస్తానని చెప్పారు. మార్షల్ లా సమయంలోనే ఆయన అధ్యక్ష పదవి ముగిసిందని పుతిన్ చెప్పారు. అందుకే అతడితో కలిసి చర్చల్లో కూర్చునే ప్రసక్తే లేదని తేల్చి చెప్పారు.
Similar News
News January 30, 2025
ఉస్మానియా హాస్పిటల్ డిజైన్ ఇదే..
TG: హైదరాబాద్ గోషామహల్‌లో నిర్మించనున్న ఉస్మానియా హాస్పిటల్ డిజైన్‌ను ప్రభుత్వం విడుదల చేసింది. 20 ఎకరాల్లో, 32 లక్షల చదరపు అడుగుల్లో 2వేల బెడ్లతో దీన్ని నిర్మించనున్నారు. 29 మేజర్, 12 మైనర్ ఆపరేషన్ థియేటర్లు, రొబోటిక్ సర్జరీ ఉంటాయి. అండ‌ర్ గ్రౌండ్ రెండు ఫ్లోర్ల‌లో పార్కింగ్‌, ఆసుప‌త్రి స‌మీపంలో ఫైర్ స్టేష‌న్‌, చుట్టూ విశాల‌మైన ర‌హ‌దారులు నిర్మిస్తారు. రేపు సీఎం రేవంత్ దీనికి భూమిపూజ చేయనున్నారు.
News January 30, 2025
నటి రిపబ్లిక్ డే విషెస్.. X అకౌంట్ సస్పెండ్
నటి స్వరా భాస్కర్ X ఖాతాను శాశ్వతంగా సస్పెండ్ చేశారు. దీనిపై ఆమె అసహనం వ్యక్తం చేశారు. రిపబ్లిక్ డే రోజున విష్ చేయడం కూడా కాపీరైట్ ఉల్లంఘన కిందకు ఎలా వస్తుందని ఇన్‌స్టా పోస్టులో స్వరా ఆవేదన వ్యక్తం చేశారు. ఆమె తన X ఖాతాలో గాంధీ నినాదం, రిపబ్లిక్ డే విషెస్ పోస్టు చేసినట్లు పేర్కొన్నారు. ఇందులో కాపీ రైట్ ఉల్లంఘన ఏముందని, తన పోస్టును మరోసారి పరీక్షించాలని అభ్యర్థించారు.
News January 30, 2025
దేశంలోనే తొలిసారి.. లోకేశ్‌కు అభినందనలు: CM
AP: రాష్ట్ర ప్రజలకు ‘మన మిత్ర’ పథకాన్ని అంకితం చేశామని సీఎం చంద్రబాబు చెప్పారు. ‘161 సేవలు అందజేసే ‘మన మిత్ర’ ప్రక్రియ ఓ మైలురాయి. మంత్రి లోకేశ్ మంచి ఆలోచనతో దీన్ని రూపొందించారు. దేశంలోనే తొలిసారి ఈ తరహా సేవలు అందుబాటులోకి తెచ్చాం. లోకేశ్, మెటా భారత ఉపాధ్యక్షుడు సంధ్యా దేవనాథన్‌కు అభినందనలు’ అని CM తెలిపారు. ఇవాళ మంత్రి లోకేశ్ ‘మన మిత్ర’ వాట్సాప్ గవర్నెన్స్ సేవలు ప్రారంభించిన విషయం తెలిసిందే.