News January 30, 2025
ఖవాజా ‘RECORD’ డబుల్ సెంచరీ
శ్రీలంకతో జరుగుతున్న తొలి టెస్టులో ఆస్ట్రేలియా ఓపెనర్ ఉస్మాన్ ఖవాజా డబుల్ సెంచరీ చేశారు. 290 బంతుల్లో 16 ఫోర్లు, ఒక సిక్సర్ సాయంతో ద్విశతకం బాదారు. ఈ ఆసీస్ బ్యాటర్‌కు టెస్టుల్లో ఇదే తొలి డబుల్ సెంచరీ కాగా శ్రీలంకలో ఈ ఘనత సాధించిన తొలి ఆస్ట్రేలియన్‌ క్రికెటర్‌గా రికార్డు సృష్టించారు. 38 ఏళ్ల ఖవాజా ఇప్పటివరకు 79 టెస్ట్ మ్యాచుల్లో 5వేలకు పైగా రన్స్ చేశారు. ఇందులో 15 సెంచరీలు, 27 హాఫ్ సెంచరీలున్నాయి.
Similar News
News January 31, 2025
చంద్రుడి వెనక ఉన్న పర్వతాలపై కొత్త విశ్లేషణలు
చంద్రునిపై స్థిర నివాసానికి జరుగుతున్న అధ్య‌య‌నాల్లో తాజా విశ్లేషణలు కొత్త‌దారులు చూపుతున్నాయి. చంద్రుని వెనుకవైపు ఉన్న చిన్న పర్వత ప్రాంతాలు (Mare Ridges), ముందువైపు ఉన్న‌వాటికంటే పిన్న‌వ‌య‌స్సు క‌లిగిన‌వ‌ని శాస్త్ర‌వేత్త‌లు భావిస్తున్నారు. Moonquakes వల్ల ఏర్పడే ఈ రిడ్జ్‌లు ఉన్న ప్రాంతాల్లో భూగర్భ వనరులు, ముఖ్యంగా నీటి వనరులు ఉండే అవకాశం ఉందని, ఇవి మానవ నివాసాలకు ఉపయోగపడతాయని భావిస్తున్నారు.
News January 31, 2025
సీజ్‌ఫైర్ అమలు: వారి విడుదలలో ఉద్రిక్తత
ఇజ్రాయెల్, థాయ్ దేశాలకు చెందిన బందీలను హమాస్ విడుదల చేసే సంద‌ర్భంగా ఉద్రిక్తత నెల‌కొంది. పెద్ద సంఖ్యలో హమాస్ సాయుధులు, గాజా పౌరులు బందీలను చుట్టుముట్టారు. దీంతో 100 మందికి పైగా పాలస్తీనా ఖైదీల విడుదలను ఇజ్రాయెల్ వాయిదా వేసింది. చివరికి ఉద్రిక్తతల నడుమ ఇజ్రాయెల్, థాయ్ బందీలను హమాస్ అప్పగించింది. తదుపరి బందీల రక్షణకు మధ్యవర్తులు హామీ ఇవ్వడంతో పాలస్తీనా ఖైదీల విడుదలను ఇజ్రాయెల్ ప్రారంభించింది.
News January 31, 2025
నేటి నుంచి పార్లమెంట్ సమావేశాలు
నేటి నుంచి పార్లమెంట్ బడ్జెట్ సమావేశాలు జరగనున్నాయి. తొలి విడతగా ఈ నెల 31 నుంచి ఫిబ్రవరి 13, రెండో విడతగా మార్చి 10 నుంచి ఏప్రిల్ 4 వరకు సమావేశాలు జరుగుతాయి. తొలి రోజు రాష్ట్రపతి ద్రౌపదీ ముర్ము ఉభయసభలనుద్దేశించి ప్రసంగిస్తారు. అనంతరం ఆర్థిక మంత్రి నిర్మలా సీతారామన్ ఆర్థిక సర్వే రిపోర్టును సభ ముందు ఉంచుతారు. రేపు పూర్తి స్థాయి బడ్జెట్‌ను ప్రవేశపెడతారు.