News January 31, 2025
మోదీ కంటే కేజ్రీవాలే కన్నింగ్: రాహుల్ గాంధీ
PM మోదీ తరహాలోనే ఆప్ చీఫ్ కేజ్రీవాల్ అబద్ధాలు చెబుతుంటారని లోక్‌సభ ప్రతిపక్ష నేత రాహుల్ గాంధీ విమర్శించారు. వారిద్దరి మధ్య ఎలాంటి తేడా లేదన్నారు. ఇంకా చెప్పాలంటే మోదీ కంటే కేజ్రీవాల్ ఎక్కువ కన్నింగ్ అని దుయ్యబట్టారు. ఐదేళ్లలో యమునా నది నీళ్లను తాగేందుకు అనుకూలంగా మారుస్తానన్న హామీ నీటి మూటగా మారిందని ఫైరయ్యారు. తాము ఢిల్లీలో అధికారంలోకి వస్తే కర్ణాటక, తెలంగాణ తరహాలో హామీలు నెరవేరుస్తామన్నారు.
Similar News
News January 31, 2025
3 టమాటాలతో నలుగురు 30 గంటలు బతికారు
ఇటీవల ఢిల్లీ బురారీలో నాలుగంతస్తుల భవనం కూలిపోయిన ఘటనలో నలుగురు కుటుంబసభ్యులను రెస్క్యూ బృందాలు కాపాడాయి. శిథిలాల కింద చిక్కుకున్న రాజేశ్(30), గంగోత్రి(26), వారి కుమారులు ప్రిన్స్(6), రితిక్(3) కేవలం 3 టమాటాలతో 30 గంటలు జీవించారు. ఈ నెల 27న పైకప్పు స్లాబ్ గ్యాస్ సిలిండర్‌పై పడటంతో ఏర్పడిన ఖాళీ స్థలంలో బిక్కుబిక్కుమంటూ గడిపారు. కాగా ఈ ప్రమాదంలో ఐదుగురు చనిపోగా, 16 మంది ప్రాణాలతో బయటపడ్డారు.
News January 31, 2025
టీమ్ ఇండియాతో ఫ్రెండ్లీగా ఉండొద్దు.. పాక్ ఆటగాళ్లకు హెచ్చరిక
ఛాంపియన్స్ ట్రోఫీ మ్యాచుల్లో భారత ఆటగాళ్లతో స్నేహంగా ఉండొద్దని పాక్ మాజీ ఆటగాడు మోయిన్ ఖాన్ తమ క్రికెటర్లను హెచ్చరించారు. ‘ఈ మధ్యకాలంలో మనవాళ్ల వైఖరి నాకు అర్థం కావట్లేదు. భారత బ్యాటర్లు క్రీజులోకి రాగానే వెళ్లి వారి బ్యాట్లను చెక్ చేయడం, ఫ్రెండ్లీగా మాట్లాడటం వంటివి చేస్తున్నారు. గౌరవం ఇవ్వడం వరకూ ఓకే కానీ ఈ అతి స్నేహం దేనికి?’ అని ప్రశ్నించారు. వచ్చే నెల 23న దుబాయ్‌లో భారత్-పాక్ తలపడనున్నాయి.
News January 31, 2025
16,347 టీచర్ పోస్టులు.. సీఎం చంద్రబాబు కీలక ప్రకటన
AP: రాష్ట్రంలో రాత్రికి రాత్రే అన్ని కార్యక్రమాలు జరిగిపోతాయని చెప్పట్లేదని CM CBN తెలిపారు. గాడితప్పిన వ్యవస్థలను సరిదిద్దుతున్నామనే విషయాన్ని ప్రజల్లోకి తీసుకెళ్లాలన్నారు. MLC ఎన్నికలు ముగియగానే 16,347 టీచర్ పోస్టులకు DSC నోటిఫికేషన్ ఇవ్వనున్నట్లు వెల్లడించారు. గ్రాడ్యుయేట్ MLC ఎన్నికల్లో ఆలపాటి రాజేంద్రప్రసాద్, పేరాబత్తుల రాజశేఖర్‌లను భారీ మెజార్టీతో గెలిపించాలని కూటమి నేతలకు సూచించారు.