News March 19, 2024
నేను కూడా కాపు ఆడపడుచునే: వంగా గీత
AP: పిఠాపురంలో జనసేన అధినేత పవన్ కళ్యాణ్‌పై గెలిచి తీరుతానని వైసీపీ అభ్యర్థి వంగా గీత ధీమా వ్యక్తం చేశారు. పవన్ కాపు అయితే.. తాను కూడా కాపు ఆడపడుచునే అని అన్నారు. ‘కుల ప్రాతిపదికన రాజకీయాలు చేయకూడదు. ప్రతి వర్గాన్నీ అభివృద్ధి చేయాలనేదే లెక్కగా ఉండాలి. కాపులంతా వంద శాతం నాకు సహకారం అందిస్తారు. నియోజకవర్గంలోని అన్ని వర్గాల నుంచి కూడా నాకు మద్దతు లభిస్తుంది’ అని అన్నారు.
Similar News
News January 8, 2025
పిల్లలొద్దు.. పెట్సే ముద్దంటున్నారు!
ఇండియాలో జననాల రేటు తగ్గడం ఆందోళన కలిగిస్తోంది. ఈక్రమంలో మార్స్ పెట్‌కేర్ నివేదిక సంచలన విషయాలను వెల్లడించింది. ఇండియాలో జనరేషన్ Z& మిలీనియల్స్‌కు చెందిన 66శాతం మంది పెంపుడు జంతువులను కుటుంబసభ్యులుగా భావిస్తున్నారు. వీరు ‘పెట్ పేరెంటింగ్’ను స్వీకరించడంతో జంతువుల సంరక్షణ పరిశ్రమ అభివృద్ధి చెందినట్లు పేర్కొంది. పట్టణ జీవితంలో ఒత్తిడి తగ్గించేందుకు ఇదో పరిష్కారంగా భావిస్తున్నారంది.
News January 8, 2025
LRS పేరిట డబ్బులు దండుకోవాలని చూస్తున్నారు: హరీశ్
TG: LRSపై త్వరలో స్పెషల్ డ్రైవ్ నిర్వహిస్తామన్న మంత్రి పొంగులేటి వ్యాఖ్యలపై హరీశ్ రావు స్పందించారు. ఫ్రీగా అమలు చేస్తామని హామీ ఇచ్చి, ఇప్పుడు స్పెషల్ డ్రైవ్ పేరిట డబ్బులు దండుకునేందుకు సిద్ధమవడం సిగ్గుచేటని విమర్శించారు. ‘రియల్ ఎస్టేట్ త్వరలో పుంజుకుంటుందని స్వయంగా రెవెన్యూ మంత్రే అన్నారు. అంటే రియల్ ఎస్టేట్ కుదేలైందనే కదా అర్థం. దీనిపై కాంగ్రెస్ నేతలు ఏం చెబుతారు?’ అని ప్రశ్నించారు.
News January 8, 2025
PMతో ప్రత్యేక‌హోదా ప్రకటన చేయించండి: షర్మిల
AP: విశాఖ వస్తున్న PM మోదీతో రాష్ట్రానికి ప్రత్యేక‌హోదా ప్రకటన చేయించాలని రాష్ట్ర కాంగ్రెస్ చీఫ్ షర్మిల ప్రభుత్వాన్ని కోరారు. ‘చంద్రబాబు గారూ మీరు మోదీ కోసం ఎదురు చూస్తుంటే ఆయన ఇచ్చిన వాగ్దానాల కోసం రాష్ట్రం ఎదురు చూస్తోంది. తిరుపతి వేదికగా రాష్ట్రానికి పదేళ్లు ప్రత్యేక‌హోదా అన్నారు. మాటలు కోటలు దాటాయి తప్పిస్తే చేతలకు దిక్కులేదు. విశాఖ స్టీల్ ప్రైవేటీకరణ లేదని PMతో పలికించండి’ అని ట్వీట్ చేశారు.