News March 27, 2024
ఫిలిప్పీన్స్‌కు భారత్ అండ, చైనా ఆగ్రహం
ఫిలిప్పీన్స్ సౌర్వభౌమత్వానికి అండగా నిలుస్తామని భారత్ ఆ దేశానికి హామీ ఇచ్చింది. దక్షిణ చైనా సముద్రంలో ఫిలిప్పీన్స్ ప్రాదేశిక జలాలను కూడా చైనా తమవేనంటూ వాదిస్తోంది. ఈ నేపథ్యంలో భారత్ హామీ ప్రాధాన్యాన్ని సంతరించుకుంది. మరోవైపు చైనా భారత్ తీరుపై ఆగ్రహం వ్యక్తం చేసింది. సౌత్ చైనా సీలో తమ సార్వభౌమాధికారాన్ని గౌరవించాలని తేల్చిచెప్పింది. ఆ విషయంలో మూడో దేశపు జోక్యం సరికాదని హితవుపలికింది.
Similar News
News November 5, 2024
Wikiకి కేంద్రం నోటీసులు
అసత్య, పక్షపాత సమాచార అభియోగాలపై వికీపీడియాకు కేంద్రం నోటీసులు జారీ చేసింది. వికీని పబ్లిషర్‌గా ఎందుకు గుర్తించకూడదో చెప్పాలని ఆదేశించింది. కాగా ఎవరైనా ఈ ప్లాట్‌ఫాంలో సమాచారం చేర్చే అవకాశం ఉండటంతో తాము పబ్లిషర్ కాదు అని వికీ గతంలో పేర్కొంది. పరిమిత ఎడిటోరియల్ టీమ్‌తో డేటాను మానిటర్ చేస్తున్నామని చెప్పింది. ANI బీజేపీ అనుకూల మీడియా అని పేర్కొనగా, సదరు సంస్థ కోర్టుకెక్కడంతో దీనిపై వివాదం మొదలైంది.
News November 5, 2024
దాడిశెట్టి రాజా ముందస్తు బెయిల్ పిటిషన్ కొట్టివేత
AP: ఓ విలేకరి హత్య కేసులో మాజీ మంత్రి, వైసీపీ నేత దాడిశెట్టి రాజా దాఖలు చేసిన ముందస్తు బెయిల్ పిటిషన్‌ను హైకోర్టు కొట్టేసింది. తుని నియోజకవర్గం తొండంగికి చెందిన విలేకరి సత్యనారాయణ 2019 అక్టోబర్‌లో హత్యకు గురయ్యారు. దీనికి సూత్రధారి దాడిశెట్టి రాజా అని మృతుని కుటుంబీకులు ఆరోపిస్తున్నారు. వారి ఫిర్యాదుతో ఆయనపై కేసు నమోదైంది. దీంతో రాజా ముందస్తు బెయిల్ కోసం హైకోర్టును ఆశ్రయించగా చుక్కెదురైంది.
News November 5, 2024
STOCK GAMESతో ఆటలొద్దు: సెబీ వార్నింగ్
లిస్టెడ్ కంపెనీల స్టాక్ ప్రైసెస్ ఆధారంగా వర్చువల్ ట్రేడింగ్ సర్వీసెస్, పేపర్ ట్రేడింగ్, ఫాంటసీ గేమ్స్ అందించే యాప్స్, వెబ్ అప్లికేషన్ల జోలికి పోవొద్దని సెబీ వార్నింగ్ ఇచ్చింది. అవి చట్టవిరుద్ధమని సూచించింది. తమ వద్ద రిజిస్టరైన అడ్వైజరీలను మాత్రమే ఫాలో అవ్వాలని తెలిపింది. వారి రిజిస్ట్రేషన్ సరైందో కాదో చెక్ చేసుకోవాలంది. స్టాక్ లీగ్స్, స్కీమ్స్, పోటీల జోలికెళ్లి బాధితులుగా మారొద్దని పేర్కొంది.