News April 1, 2024
మేం రూపాయి పన్ను చెల్లిస్తే 29 పైసలే తిరిగొస్తోంది.. ఎందుకు?: స్టాలిన్
కచ్చతీవు అంశంలో DMKపై PM మోదీ చేసిన <<12965771>>విమర్శలకు<<>> తమిళనాడు సీఎం స్టాలిన్ Xలో కౌంటర్ ఇచ్చారు. ‘పదేళ్లుగా కుంభకర్ణ నిద్రలో ఉండి హఠాత్తుగా మత్స్యకారులపై దొంగ ప్రేమ చూపుతున్న వారికి 3 ప్రశ్నలు. రాష్ట్రం చెల్లిస్తున్న రూపాయి పన్నుకు కేంద్రం 29 పైసలు మాత్రమే ఎందుకిస్తోంది?. 2023లో వరద సాయంగా ఒక్క రూపాయీ ఎందుకివ్వలేదు?. 10ఏళ్లలో రాష్ట్రాభివృద్ధికి ఒక్క పథకమైనా అమలుచేశారా?’ అని ప్రశ్నించారు.
Similar News
News November 8, 2024
మార్స్‌పై అతి పురాతన మహాసముద్రం.. గుర్తించిన చైనా
అంగారకుడిపై కోటానుకోట్ల ఏళ్ల క్రితం మహాసముద్రం ఉండేదని చైనా పరిశోధకులు తేల్చిచెప్పారు. తాము పంపించిన ఝరాంగ్ రోవర్ అందుకు సంబంధించిన ఆధారాలను సేకరించిందని వారు వెల్లడించారు. ‘మార్స్‌పై ఉటోపియా ప్లానిషియా అనే ప్రాంతంలో నమూనాల ఆధారంగా పురాతన కాలంలో ఓ మహా సముద్రం ఉండేదని గుర్తించాం. సుమారు 3.42 సంవత్సరాల క్రితం ఆ సముద్రం ఎండిపోయింది. ఆ సమయంలో సూక్ష్మ జీవులు అక్కడ మనుగడ సాగించి ఉండొచ్చు’ అని తెలిపారు.
News November 8, 2024
గీజర్ వాడుతున్నారా? ఇవి తెలుసుకోండి!
చాలామంది గీజర్‌ను గంటల తరబడి ఆన్‌లోనే ఉంచుతారు. అది ఏమాత్రం మంచిదికాదు. ఒక్కోసారి గీజర్ ఓవర్ హీట్ ఎక్కి పేలిపోయే ప్రమాదం ఉంటుంది. ఇక గీజర్‌ను ఏడాదికోసారి సర్వీసింగ్ చేయించాలి. అప్పుడే ఏమైనా లీకేజీ ఉంటే తెలుస్తుంది. గీజర్ కనెక్షన్ వైర్లను ఎప్పటికప్పుడు చెక్ చేస్తూ ఉండాలి. చాలా ఏళ్లుగా వాడుతున్న పరికరాలను మార్చడం ఉత్తమం. వాటి వల్ల షార్ట్ సర్య్కూట్ వచ్చే ప్రమాదం ఉంది.
News November 8, 2024
రోహిత్‌శర్మ నుంచి అది నేర్చుకున్నా: సూర్య
ఆటలో గెలుపోటములు సహజమని, ఓడినంత మాత్రాన మన మనస్తత్వం మార్చుకోవద్దని టీమ్ ఇండియా T20 కెప్టెన్ సూర్య కుమార్ యాదవ్ అన్నారు. ఆ విషయాన్ని రోహిత్‌శర్మను చూసే నేర్చుకున్నానని సూర్య చెప్పారు. రోహిత్ గ్రౌండ్‌లో ఎలా ఉంటారో తాను గమనిస్తూ ఉంటానన్నారు. అందరూ హార్డ్‌వర్క్ చేస్తారని, కొన్నిసార్లు కలిసొస్తే, కొన్నిసార్లు వర్కవుట్ కాదని సూర్య చెప్పుకొచ్చారు. రేపు సౌతాఫ్రికాతో T20 సిరీస్ ప్రారంభం కానుంది.