News October 5, 2025
ప్రభాస్ ‘స్పిరిట్’లో విలన్‌గా వివేక్?
సందీప్ రెడ్డి వంగా డైరెక్షన్‌లో ప్రభాస్ హీరోగా రూపొందనున్న ‘స్పిరిట్’ సినిమా గురించి రోజుకో అప్‌డేట్ SMలో చక్కర్లు కొడుతోంది. ఈ మూవీలో విలన్‌గా బాలీవుడ్ యాక్టర్ వివేక్ ఒబెరాయ్ నటించనున్నట్లు ప్రచారం జరుగుతోంది. ఓ కీలక పాత్రలో మడోన్నా సెబాస్టియన్ కనిపిస్తారని సమాచారం. దీనిపై మూవీ టీమ్ నుంచి స్పష్టత రావాల్సి ఉంది. వచ్చే నెల 5 నుంచి షూటింగ్ ప్రారంభం కానున్నట్లు సినీ వర్గాలు పేర్కొన్నాయి.
Similar News
News October 5, 2025
పెళ్లైన వారానికే సూసైడ్.. కారణమిదే!
TG: జగిత్యాల జిల్లా ఎర్దండిలో ప్రేమించి పెళ్లి చేసుకున్న గంగోత్రి(22) వారానికే <<17908971>>సూసైడ్<<>> చేసుకున్న విషయం తెలిసిందే. వివరాల్లోకి వెళ్తే.. దసరా పండుగ రోజు భార్య గంగోత్రితో కలిసి భర్త సంతోష్ అత్తగారింటికి వెళ్లాడు. అక్కడ మటన్‌ తింటూ కూరలో కారం లేదని గంగోత్రిని భర్త తిట్టాడు. ఆపై భోజనం చేయకుండా భార్యతో ఇంటికి వచ్చేశాడు. ఈ కారణంతోనే మనస్తాపం చెంది యువతి ఉరేసుకుని సూసైడ్ చేసుకున్నట్లు తెలుస్తోంది.
News October 5, 2025
హైదరాబాద్‌లో వర్షం
TG: హైదరాబాద్‌లోని పలు ప్రాంతాల్లో వర్షం పడుతోంది. ఖైరతాబాద్, లక్డీకపూల్, నాంపల్లి, సెక్రటేరియట్, ట్యాంక్‌బండ్, లోయర్ ట్యాంక్‌బండ్, బంజారాహిల్స్, జూబ్లీహిల్స్, పంజాగుట్ట, SR నగర్, ఫిలింనగర్‌, కుత్బుల్లాపూర్ సహా మరికొన్ని ప్రాంతాల్లో భారీ వర్షం కురిసింది. సిటీలోని మియాపూర్, కూకట్‌పల్లి, నిజాంపేట్, మల్కాజ్‌గిరి తదితర ప్రాంతాల్లో వాన కురిసే అవకాశముందని ఇప్పటికే HYD వాతావరణ కేంద్రం హెచ్చరించింది.
News October 5, 2025
వన్డేల్లో కొనసాగడం ఇష్టం లేదా?
రోహిత్ శర్మ, విరాట్ కోహ్లీ 2027 వరల్డ్ కప్ జట్టులో ఉంటారా అనే దానిపై సందేహాలు తలెత్తుతున్నాయి. వన్డేల్లో కొనసాగాలంటే దేశవాళీ మ్యాచులు ఆడాలని BCCI చెబుతూనే ఉంది. రోహిత్, కోహ్లీ రంజీల్లో అడపాదడపా ఆడి తప్పుకున్నారు. మళ్లీ తిరిగి దేశవాళీ మ్యాచుల్లో ఆడతామన్న సంకేతాలివ్వట్లేదు. ఈ నేపథ్యంలోనే వారికి వన్డేల్లోనూ కొనసాగేందుకు ఆసక్తి లేదేమోనని సెలక్టర్లు భావిస్తున్నట్లు క్రీడా విశ్లేషకులు చెబుతున్నారు.