News January 17, 2026
నిజామాబాద్: మోడల్ స్కూల్స్లో అడ్మిషన్లు.. నోటిఫికేషన్ విడుదల
తెలంగాణ మోడల్ స్కూల్స్లో 2026– 27 విద్యా సంవత్సరానికి సంబంధించి 6వ తరగతి, 7- 10 తరగతుల ఖాళీ సీట్ల భర్తీకి నోటిఫికేషన్ విడుదలైంది. JAN 28 నుంచి ఫిబ్రవరి 28 వరకు ఆన్లైన్లో దరఖాస్తులు స్వీకరిస్తారు. హాల్ టికెట్లు ఏప్రిల్ 9 నుంచి డౌన్లోడ్ చేసుకోవచ్చు. ఏప్రిల్ 19న ప్రవేశ పరీక్ష నిర్వహించనున్నారు. వివరాల కోసం https://tgms.telangana.gov.inలో సంప్రదించాలని డైరెక్టర్ నవీన్ నికోలస్ ఒక ప్రకటనలో తెలిపారు.
Similar News
News January 28, 2026
NZB: కార్పొరేషన్ ఎన్నికల్లో CPI (ML) న్యూడెమోక్రసీ పోటీ
నిజామాబాద్ మున్సిపల్ ఎన్నికల్లో CPI (ML) న్యూడెమోక్రసీ పోటీ చేస్తున్నట్లు నగర కార్యదర్శి నీలం సాయిబాబా ప్రకటించారు. మంగళవారం ఆయన మాట్లాడుతూ.. 7వ డివిజన్లో ఆకుల పాపన్న, 24వ డివిజన్లో ఆకుల అరుణ లు పోటీలో ఉంటారని తెలిపారు. డివిజన్ ప్రజలు మున్సిపాలిటీ పాలక వర్గంలో ప్రజల సమస్యలపై పోరాటం చేయడానికి అవకాశం కల్పించాలని కోరారు. శివకుమార్, రమేష్, మోహన్, జన్నారపు రాజేశ్వర్ తదితరులు పాల్గొన్నారు.
News January 27, 2026
NZB: 20 కేంద్రాల్లో నామినేషన్ల స్వీకరణ: కమిషనర్
నిజామాబాద్ నగరపాలక సంస్థ ఎన్నికలకు సంబంధించి 60 డివిజన్లో అభ్యర్థుల నామినేషన్ స్వీకారం కోసం 20 కేంద్రాలను ఏర్పాటు చేసినట్లు మున్సిపల్ కార్పొరేషన్ కమిషనర్ దిలీప్ కుమార్ తెలిపారు. మూడు డివిజన్లకు కలిపి ఒక కేంద్రం చొప్పున నామినేషన్ కేంద్రాలు ఏర్పాటు చేసినట్లు చెప్పారు. పోటీ చేసే అభ్యర్థులు తమ కేంద్రాలను గుర్తించాలని సూచించారు.
News January 27, 2026
NZB: ఎన్నికలు నిర్వహించేందుకు అన్ని విధాలుగా సిద్ధం: కలెక్టర్
ఎన్నికల సంఘం నియమ, నిబంధనలకు అనుగుణంగా ఎన్నికలు నిర్వహించేందుకు అన్ని విధాలుగా సిద్ధంగా ఉన్నామని NZB కలెక్టర్ ఇలా త్రిపాఠి అన్నారు. ఇప్పటికే ఎన్నికల నిర్వహణకు అవసరమైన అన్ని ఏర్పాట్లు పూర్తి చేశామని ఎన్నికల కమిషనర్ దృష్టికి తెచ్చారు. ఎన్నికల షెడ్యూల్ ను అనుసరిస్తూ బుధవారం నుండి అభ్యర్థులు నామినేషన్లు దాఖలు చేసేందుకు వీలుగా ఆయా మున్సిపాలిటీల పరిధిలో నామినేషన్ల స్వీకరణ కేంద్రాలను ఏర్పాటు చేశామన్నారు.