News April 28, 2024
దుబాయ్‌లో అతిపెద్ద విమానాశ్రయం.. త్వరలో నిర్మాణం
దుబాయ్‌లో ప్రపంచంలోనే అతిపెద్ద ఎయిర్‌పోర్టు నిర్మాణం కానుంది. ఈ ప్రాజెక్టు కోసం ₹2.9లక్షల కోట్లు ఖర్చు చేయనున్నారు. దీనిని అల్ మక్తూమ్ అంతర్జాతీయ విమానాశ్రయంగా పిలవనున్నట్లు అక్కడి అధికారులు తెలిపారు. 5 సమాంతర రన్‌వేలు, 400 ఎయిర్‌క్రాఫ్ట్ గేట్‌లను ఏర్పాటు చేయనున్నారు. ప్రస్తుతం ఉన్న దాని కంటే కొత్తది 5 రెట్లు పెద్దగా ఉండనుందట. ఏడాదికి 260M మంది ప్రయాణించేలా నిర్మిస్తున్నారట.
Similar News
News November 18, 2024
ధోనీ కెప్టెన్సీలో ఆడారు.. మెంటార్లు అయ్యారు..!
భారత క్రికెట్ దిగ్గజం MS ధోనీ IPL 18వ సీజన్‌లో ఆడబోతున్నారు. కాగా కొందరు ధోనీ కెప్టెన్సీలో ఆడి రిటైర్మెంట్ పలికి తిరిగి మెంటార్లుగా IPLలో అడుగుపెడుతున్నారు. ఈ లిస్టులో ద్రవిడ్, పార్థివ్ పటేల్, జహీర్ ఖాన్, దినేశ్ కార్తీక్, బ్రావో ఉన్నారు. వీరంతా వివిధ జట్లకు కోచ్, మెంటార్లుగా నియమితులయ్యారు. ధోనీ మాత్రం ఇంకా IPLలో ఆటగాడిగా కొనసాగుతున్నారు. దీంతో అభిమానులు దటీజ్ తల అంటూ ప్రశంసలు కురిపిస్తున్నారు.
News November 18, 2024
ఇవి తింటే ఇప్పుడే ముసలితనం
కొన్ని రకాల ఫుడ్స్ తింటే ముందుగానే వృద్ధాప్య ఛాయలు కనిపిస్తాయని నిపుణులు చెబుతున్నారు. చక్కెర, పిండి పదార్థాలతో తయారుచేసే పిజ్జా, బర్గర్, పఫ్స్, స్వీట్లు తింటే అకాల వృద్ధాప్యం దరి చేరుతుంది. ఉప్పు ఎక్కువగా ఉండే చిప్స్, ప్యాకేజ్డ్, ప్రాసెస్‌డ్ ఫుడ్ తిన్నా చర్మంపై ముడతలు వచ్చి ముసలితనం కనిపిస్తుంది. టీ, కాఫీ, మద్యపానం ఎక్కువగా చేసినా త్వరగా ముసలివారు అయిపోతారు. అందుకే ఇలాంటి వాటికి దూరంగా ఉండాలి.
News November 18, 2024
బల్బ్ లేకముందు 12 గంటలు నిద్రపోయేవారు!
ఇప్పుడంటే లైట్స్, కరెంట్ అందుబాటులో ఉండటంతో అర్ధరాత్రి వరకూ నిద్రపోకుండా ఉంటున్నాం. ఎడిసన్ బల్బును కనుగొనక ముందు ఎలా ఉండేదో తెలుసా? 20వ శతాబ్దం ప్రారంభం వరకు ప్రతి ఒక్కరూ దాదాపు 10 నుంచి 12 గంటల వరకు నిద్రపోయేవారని నిపుణులు చెబుతున్నారు. ఇది వేసవిలో కాస్త తగ్గేదని అంటున్నారు. ప్రస్తుతం కృత్రిమ కాంతి వల్ల నిద్ర గురించి పూర్తిగా పట్టించుకోవట్లేదని గుర్తుచేస్తున్నారు.