News May 3, 2024
పాలస్తీనా మద్దతుదార్లకు హౌతీల అండ
అమెరికాలోని యూనివర్సిటీల్లో పాలస్తీనాకు మద్దతుగా నిరసనలు చేపట్టి సస్పెండ్ అయిన విద్యార్థులకు హౌతీ మిలిటెంట్లు మద్దతు తెలిపారు. యెమెన్‌లో హౌతీల ఆధ్వర్యంలో నడిచే సనా యూనివర్సిటీ ఈ మేరకు విద్యార్థులను ఆహ్వానించింది. విద్యార్థుల మానవతా దృక్పథాన్ని అభినందిస్తున్నట్లు పేర్కొంది. మరోవైపు USలో HIMS అనే ఆన్‌లైన్ ఫార్మసీ సంస్థ CEO ఆండ్రూ సైతం ఉద్యోగాలు ఇస్తానని విద్యార్థులకు తన మద్దతు ప్రకటించారు.
Similar News
News December 28, 2024
గేమ్ ఛేంజర్ ట్రైలర్ రిలీజ్ చేయకపోతే ఆత్మహత్య చేసుకుంటా: అభిమాని
రామ్ చరణ్ వీరాభిమాని సూసైడ్ లెటర్ రాయడం కలకలం రేపింది. త్వరలో గేమ్ ఛేంజర్ ట్రైలర్ విడుదల చేయాలని, లేదంటే ఆత్మహత్య చేసుకుంటానని అందులో పేర్కొన్నాడు. ‘సినిమాకు ఇంకా 13రోజులే ఉంది. అభిమానుల ఎమోషన్స్‌ను పట్టించుకోవడం లేదు. ఈనెలాఖరు లేదా JAN 1 వరకు రిలీజ్ చేయకపోతే నేను ఆత్మహత్యకు పాల్పడతాను’ అని రాసుకొచ్చాడు. కాగా దీనిపై స్పందించిన మేకర్స్ ప్రోగ్రామ్స్ ప్లాన్ ప్రకారం జరుగుతాయని చెప్పినట్లు సమాచారం.
News December 28, 2024
నటి కారు బీభత్సం.. ఒకరు మృతి
మరాఠి నటి ఊర్మిల కోఠారె ప్రయాణిస్తున్న కారు ముంబైలో బీభత్సం సృష్టించింది. మెట్రో పనులు చేస్తున్న ఇద్దరు కార్మికులపైకి ఆమె కారు దూసుకెళ్లింది. దీంతో ఒకరు మరణించగా మరొకరు తీవ్రంగా గాయపడ్డారు. డ్రైవర్, నటి ఊర్మిలకు కూడా గాయాలయ్యాయి. వారిని ఆసుపత్రికి తరలించి చికిత్స అందిస్తున్నారు. అతివేగమే ప్రమాదానికి కారణమని పోలీసులు గుర్తించారు.
News December 28, 2024
రోహిత్ ఓ విఫల కెప్టెన్, బ్యాటర్: MSK ప్రసాద్
టీమ్ ఇండియా కెప్టెన్ ఆస్ట్రేలియా పర్యటనలో పూర్తిగా నిరాశపరుస్తున్నారని బీసీసీఐ మాజీ చీఫ్ సెలక్టర్ ఎమ్మెస్కే ప్రసాద్ విమర్శించారు. ఇటు బ్యాటింగ్, అటు కెప్టెన్సీలో పూర్తిగా విఫలమయ్యారని ఆయన ఆరోపించారు. ‘రోహిత్ ఆడిన మూడు టెస్టుల్లోనూ పరుగులు రాబట్టలేకపోయారు. ఫామ్‌ లేమితో ఆయన సతమతమవుతున్నారు. మరోవైపు కెప్టెన్సీలోనూ బౌలర్లను ఉపయోగించడంలో అంతగా ఆకట్టుకోవడం లేదు’ అని ఆయన విమర్శించారు.