News May 10, 2024
డబ్బుల జమ వ్యవహారం.. ప్రభుత్వంపై ఈసీ ప్రశ్నల వర్షం
AP: డబ్బుల జమ పథకాలపై మరోసారి రాష్ట్ర ప్రభుత్వానికి EC లేఖ రాసింది. ‘బటన్ నొక్కి చాలా రోజులైంది. ఈరోజే నగదు బదిలీ చేయకపోతే ఏమవుతుంది? జనవరి 24 నుంచి మార్చి 24వరకు రాష్ట్ర ఆర్థిక పరిస్థితిని తెలియజేయండి. ఇప్పటివరకు ఎందుకు జమ చేయలేకపోయారు. ఈ ఐదేళ్లలో బటన్ నొక్కిన సమయానికి, నిధుల బదిలీకి మధ్య వ్యవధి ఎంత? పోలింగ్ తేదీకి ముందే ఎందుకు జమ చేయాలనుకుంటున్నారు?’ అంటూ EC ప్రశ్నల వర్షం కురిపించింది.
Similar News
News November 7, 2025
నేడు ఈ జిల్లాల్లో వర్షాలు!
ద్రోణి ప్రభావంతో ఏపీలోని పలు జిల్లాల్లో ఈరోజు వర్షాలు కురిసే అవకాశముందని APSDMA పేర్కొంది. కోనసీమ, ప.గో, తిరుపతి జిల్లాల్లో అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు కురిసే ఛాన్సుందని తెలిపింది. అటు తెలంగాణలో ఉ.8.30 గంటల వరకు అక్కడక్కడ చెదురుమదురు జల్లులు కురిసేందుకు స్వల్ప అవకాశముందని HYD IMD పేర్కొంది. తర్వాతి 6 రోజులు రాష్ట్రంలో పొడి వాతావరణమే ఉంటుందని తెలిపింది.
News November 7, 2025
ఒక పూట భోజనం వల్ల ఆరోగ్య ప్రయోజనాలు
హిందూ ధర్మంలో కొందరు కొన్ని వారాల్లో ఒక పూట భోజనం చేసే వ్రతాన్ని ఆచరిస్తారు. అయితే ఈ వ్రతం వెనుక కొన్ని ఆరోగ్య ప్రయోజనాలున్నాయి. రోజూ ఒకపూటే తినడం వల్ల మనిషి ఆరోగ్యంగా ఉంటాడు.శరీరానికి విశ్రాంతి దొరికి, జీర్ణవ్యవస్థపై భారం తగ్గుతుంది. ఫలితంగా మనసు ప్రశాంతంగా ఉంటుంది. ఆయుష్షు, శక్తి పెరుగుతాయి. ఎక్కువ పూటలు తినడం అనారోగ్యానికి సంకేతం. అందుకే పరిపూర్ణ ఆరోగ్యం కోసం ఈ నియమాన్ని పాటించాలంటారు. <<-se>>#Aaharam<<>>
News November 7, 2025
తండ్రులకూ డిప్రెషన్.. వారికీ చేయూత కావాలి!
బిడ్డ పుట్టాక తల్లుల్లో పోస్ట్ పార్టమ్ డిప్రెషన్ వల్ల ఒత్తిడి, చిరాకు, కోపం వంటివి వస్తాయి. ఇప్పుడు బిడ్డను చూసుకునే బాధ్యత తండ్రికీ ఉంటోంది. రాత్రులు నిద్రలేకపోవడం, బాధ్యతలు, ఖర్చులు, ఒత్తిడి, జాబ్ కారణంగా తండ్రుల్లోనూ పోస్ట్‌పార్టమ్ డిప్రెషన్ వస్తోందని వైద్యులు చెబుతున్నారు. ఒక్కోసారి సూసైడ్ థాట్స్ కూడా వస్తాయని ఆందోళన వ్యక్తం చేస్తున్నారు. అందుకే తండ్రికీ కుటుంబం నుంచి చేయూత అవసరం అంటున్నారు.