News May 16, 2024
గోల్డ్ మెడల్ సాధించాడు..కానీ!
ఫెడరేషన్ కప్‌లో హరియాణా తరఫున బరిలో దిగిన భారత స్టార్ జావెలిన్ త్రోయర్ నీరజ్ చోప్రా స్వర్ణం సాధించారు. జావెలిన్‌ను 82.27m దూరం విసిరి ఛాంపియన్‌గా నిలిచారు. కానీ తన స్థాయికి తగ్గ ప్రదర్శన చేయలేకపోయారు. 2021లో ఇదే టోర్నీలో అతను 87.80m విసిరారు. అతని వ్యక్తిగత ఉత్తమం 89.04mగా ఉంది. వీటితో పోలిస్తే తాజాగా విసిరిన దూరం తక్కువ కావడం, త్వరలో ఒలింపిక్స్ ఉండడంతో అతని ప్రదర్శనపై ఆందోళన వ్యక్తమవుతోంది.
Similar News
News January 9, 2025
ట్రెండింగ్‌లో ‘లొట్టపీసు’.. అర్థం ఏంటంటే?
తనపై పెట్టిన కేసు ‘లొట్టపీసు’ అని KTR వ్యాఖ్యానించిన విషయం తెలిసిందే. ఈ క్రమంలో ‘లొట్టపీసు’ ట్రెండింగ్‌లోకి వచ్చింది. దీని అర్థం కోసం చాలామంది గూగుల్‌లో సెర్చ్ చేస్తున్నారు. కాగా, లొట్టపీసు అనేది కాలువలు, కుంటలు, చెరువుల్లో పెరిగే ఓ మొక్క. దీని కాండం తెల్లని పూతతో లొట్ట(లోపల ఖాళీగా, డొల్ల) మాదిరి ఉంటుంది. అందుకే దీనికి ‘లొట్టపీసు’ పేరు వచ్చింది. గ్రామీణ నేపథ్యమున్న వారికి ఇది సుపరిచితమైన పేరే.
News January 9, 2025
డిసెంబర్లో మ్యూచువల్ ఫండ్లలో పెట్టుబడుల వరద
DECలో ఓపెన్ ఎండెడ్ మ్యూచువల్ ఫండ్స్‌లో రూ.41,155CR పెట్టుబడులు వచ్చాయి. NOVతో పోలిస్తే ఇది 14.5% వృద్ధి. వరుసగా 46వ నెలా ఈ ఫండ్స్‌ పాజిటివ్ జోన్లోనే ఉండటం విశేషం. NIFTY, SENSEX నష్టపోతున్నా థీమాటిక్/సెక్టోరల్ ఫండ్స్‌లో MoM పద్ధతిన రూ.15,331CR ఇన్‌ఫ్లో వచ్చింది. ఇక 12 NFOల్లో రూ.11,337CR, స్మాల్‌క్యాప్ కేటగిరీలో రూ.4667CR పెట్టుబడులు వచ్చాయి. డెట్ ఫండ్స్‌ నుంచి రూ.1.27L CR వెనక్కి తీసుకున్నారు.
News January 9, 2025
‘గేమ్ ఛేంజర్’ మిడ్‌నైట్ షోలు ఆపాలని పిటిషన్.. HC సెటైరికల్ రిప్లై
రామ్ చరణ్ ‘గేమ్ ఛేంజర్’ మిడ్ నైట్ షోలను నిలిపివేయాలని కొందరు ఏపీ హైకోర్టు(HC)ను ఆశ్రయించారు. ప్రీరిలీజ్ ఈవెంట్‌కు వెళ్లి వస్తూ ఇద్దరు మరణించిన ఘటనను పేర్కొంటూ షోను నిలిపివేయాలని కోర్టును కోరారు. దీనికి ‘శ్రీహరికోట రాకెట్ ప్రయోగానికి వెళ్లి వస్తూ రోడ్డు ప్రమాదానికి గురై వ్యక్తులు మరణిస్తే ప్రయోగాలు ఆపేయ్యాలి అన్నట్లుగా మీ అభ్యర్థన ఉంది’ అని హైకోర్టు వ్యంగ్యంగా స్పందించింది.