News May 19, 2024
ట్విటర్ ట్రెండింగ్‌లో BoycottNaturals.. ఎందుకంటే?
వీర్ సావర్కర్‌పై వ్యాఖ్యలతో ‘నేచురల్స్ సెలూన్’ CEO కుమారవేల్ నెటిజన్ల ఆగ్రహానికి గురయ్యారు. సావర్కర్ గొప్పతనం గురించి మాట్లాడాలని ఇటీవల మోదీ కాంగ్రెస్ నేతలకు హితవు పలికారు. దీనిపై స్పందించిన కుమారవేల్ ‘సావర్కర్ పిరికి వ్యక్తి. గాంధీ హత్యలో సహ కుట్రదారు. క్షమాభిక్ష పిటిషన్లు వేయడంలో నిపుణుడు’ అని పోస్ట్ పెట్టారు. దీంతో సావర్కర్ అభిమానులు ట్విటర్‌లో #BoycottNaturalsను ట్రెండ్ చేస్తున్నారు.
Similar News
News September 17, 2025
భూమనకు తిరుపతి నేలపై నడిచే అర్హత లేదు: మంత్రి స్వామి
AP: తిరుమల విషయంలో రాజకీయ వ్యాఖ్యలు చేయడం సరికాదని మంత్రి DBV స్వామి అభిప్రాయపడ్డారు. YCP నేత భూమనకు శ్రీవిష్ణువు, శని దేవుని విగ్రహానికి తేడా తెలియదా అని నిలదీశారు. ఆయనకు తిరుపతి నేలపై నడిచే అర్హత లేదని ధ్వజమెత్తారు. వేంకన్న పాదాలు పట్టుకొని క్షమాపణలు చెప్పాలని డిమాండ్ చేశారు. తిరుమలపై YCP నేతలు నిత్యం విషం చిమ్ముతున్నారని ఆగ్రహం వ్యక్తం చేశారు. వేంకన్నతో పెట్టుకుంటే పుట్టగతులు ఉండవన్నారు.
News September 17, 2025
ఒత్తైన జుట్టుకు బియ్యం నీళ్లు
ప్రస్తుత కాలంలో జుట్టు రాలే సమస్య పెరిగింది. అయితే హెయిర్‌లాస్ ఎక్కువ ఉంటే బియ్యం కడిగిన నీళ్లతో చెక్ పెట్టొచ్చు. బియ్యం నీటితో మర్దనా చేసుకుంటే మాడు ఆరోగ్యంగా ఉంటుంది. ఇందులో ఉండే అమినో ఆమ్లాలు, విటమిన్‌ బీ, ఈ, సీలు జుట్టు పెరగడానికి సహకరిస్తాయి. అలాగే రాత్రి బియ్యం నానబెట్టిన నీటిని వడకట్టి ఉదయాన్నే తలకు పట్టించి అరగంట తర్వాత కడుక్కోవాలి. ఇలా వారానికోసారి చేస్తే జుట్టు ఒత్తుగా పెరుగుతుంది.
News September 17, 2025
అత్యధిక రెమ్యునరేషన్ ఈ హీరోయిన్లకే!
దక్షిణాదిన అత్యధిక రెమ్యునరేషన్ తీసుకుంటున్న హీరోయిన్ల వివరాలను ఇండియా టుడే తెలిపింది. నయనతార ఒక్కో సినిమాకు రూ.10+ కోట్లు తీసుకుంటారని పేర్కొంది. అలాగే సాయిపల్లవికి మూవీని బట్టి ₹20కోట్ల వరకు ఉంటుందని, ‘రామాయణ’ కోసం రూ.12కోట్లు డిమాండ్ చేశారంది. నేషనల్ క్రష్ రష్మిక ‘సికందర్‌’కి ₹13Cr, పుష్ప-2కి ₹10Cr కోట్లు తీసుకున్నారంది. ఇక తమన్న ప్రతి సినిమాకు ₹10కోట్లు వసూల్ చేస్తున్నారని తెలిపింది.