News May 23, 2024
రేపు ఉ.10 గంటలకు శ్రీవారి దర్శన టికెట్లు విడుదల
AP: ఆగస్టు నెల కోటాకు సంబంధించి తిరుమల శ్రీవారి ప్రత్యేక దర్శన టికెట్ల(రూ.300)ను రేపు ఉదయం 10 గంటలకు టీటీడీ విడుదల చేయనుంది. గదుల కోటా టికెట్లు రేపు మ.3 గంటలకు అందుబాటులో ఉంటాయి. ttdevasthanams.ap.gov.in వెబ్సైట్లో బుక్ చేసుకోవచ్చు. కాగా శ్రీవాణి ట్రస్టు డోనర్స్ దర్శన, గదుల కోటా(ఆగస్టు) ఇవాళ ఉ.11 గంటలకు, వికలాంగులు, సీనియర్ సిటిజన్స్ కోటా టికెట్లు మ.3 గంటలకు విడుదల కానున్నాయి.
Similar News
News April 19, 2026
అనిల్ రావిపూడి సినిమాకు తమిళ మ్యూజిక్ డైరెక్టర్?
టాలీవుడ్ డైరెక్టర్ అనిల్ రావిపూడి తన సినిమా కోసం తొలిసారి తమిళ మ్యూజిక్ డైరెక్టర్ను తీసుకుంటున్నట్లు తెలుస్తోంది. వెంకటేశ్, కళ్యాణ్ రామ్ హీరోలుగా ఆయన తెరకెక్కించబోయే మూవీకి మ్యూజిక్ డైరెక్టర్గా జీవీ ప్రకాశ్ కుమార్ను ఖరారు చేసినట్లు సినీ వర్గాలు పేర్కొన్నాయి. అనిల్ డైరెక్ట్ చేసిన గత రెండు సినిమాలకు భీమ్స్ మ్యూజిక్ అందించారు. అవి సూపర్ హిట్టయినా మ్యూజిక్ డైరెక్టర్ను మార్చడం ఆసక్తికరంగా మారింది.
News April 19, 2026
ఆ జట్ల మధ్యే 13 IPL ట్రోఫీలు.. కానీ!
ముంబై, చెన్నై, కోల్కతా జట్ల ప్రదర్శన వాటి ఫ్యాన్స్ను కలవరపెడుతోంది. ఈ మూడు జట్లే ఏకంగా 13 IPL ట్రోఫీలు(MI-5, CSK-5, KKR-3) గెలవగా ప్రస్తుత సీజన్లో తేలిపోయాయి. 6 మ్యాచుల్లో 2 విజయాలతో చెన్నై PTలో 7వ స్థానంలో ఉంది. ఇక 5 మ్యాచుల్లో 1 గెలుపుతో MI 9, 6 మ్యాచుల్లో 5 ఓటమి, ఒక డ్రాతో KKR చివరి స్థానాల్లో ఉన్నాయి. 3 జట్లలోనూ కెప్టెన్లు రాణించకపోవడం మైనస్. ఇకనైనా సత్తా చాటాలని ఫ్యాన్స్ కోరుకుంటున్నారు.
News April 19, 2026
ఆ ఊళ్లో హనుమంతుడి పేరెత్తరు..
ఉత్తరాఖండ్ ద్రోణగిరిలో హనుమంతుడిని పూజించరు. రామాయణ కాలంలో లక్ష్మణుడిని కాపాడేందుకు సంజీవని కోసం వచ్చిన హనుమంతుడు ఇక్కడి పర్వతాన్ని తీసుకెళ్లారని గ్రామస్థుల నమ్మకం. గ్రామదేవత అనుమతి లేకుండా కొండను తీసుకెళ్లడంతో తమ ఆరాధ్య దైవానికి అవమానం జరిగిందని వారు భావిస్తారు. అందుకే ఈ ఊరిలో హనుమంతుడి గుళ్లు, జెండాలు కనిపించవు. అయితే వారికి హనుమపై ద్వేషం లేదు. కానీ అనుమతి అడగకపోవడం సరైనది కాదని నమ్ముతారు.