News May 24, 2024
పుణే యాక్సిడెంట్.. డబ్బిచ్చి డ్రైవర్‌ను ఇరికించారా?
పుణేలో ఓ బాలుడు(17) మద్యం మత్తులో కారు నడిపి ఇద్దరి మరణానికి కారణమైన ఘటనలో సంచలన విషయాలు బయటికి వస్తున్నాయి. ఆ బాలుడి తండ్రి విశాల్ అగర్వాల్ తమ డ్రైవర్‌కు డబ్బు ఆఫర్ చేసి, కేసు తనపై వేసుకోవాలని బలవంతం చేశారట. అందుకే డ్రైవర్ తానే కారు నడిపానని ఒప్పుకున్నట్లు తెలుస్తోంది. ఇదిలా ఉంటే సాక్ష్యాలను ధ్వంసం చేసినందుకు విశాల్‌పై పోలీసులు సెక్షన్ 201 కింద కేసు నమోదు చేయనున్నారు.
Similar News
News July 5, 2025
బాధ్యతలు స్వీకరించిన రామ్‌చందర్ రావు
TG: బీజేపీ రాష్ట్రాధ్యక్షుడిగా రామ్‌చందర్ రావు బాధ్యతలు స్వీకరించారు. హైదరాబాద్‌లోని బీజేపీ ఆఫీస్‌లో కిషన్ రెడ్డి నుంచి ఆయన బాధ్యతలు తీసుకున్నారు. ఈ సందర్భంగా రామ్‌చందర్ రావును పలువురు నేతలు, నాయకులు సన్మానించి, శుభాకాంక్షలు తెలియజేశారు.
News July 5, 2025
వచ్చే నెలలో కొత్త రేషన్ కార్డులు
APలో స్మార్ట్ కార్డుల రూపంలో కొత్త రేషన్ కార్డులు పంపిణీ చేసేందుకు ప్రభుత్వం కసరత్తు చేస్తోంది. QR కోడ్‌తో వివరాలు ప్రత్యక్షమయ్యేలా పాత కార్డుల స్థానంలో కొత్తవి ఆగస్టులో పంపిణీ చేయనుంది. నేతల ఫొటోలు లేకుండా, ప్రభుత్వ అధికారిక చిహ్నం, లబ్ధిదారు ఫొటో మాత్రమే ఉండేలా చర్యలు తీసుకుంటోంది. 1.46 కోట్ల పాత కార్డులతో పాటు కొత్తగా 2 లక్షల కొత్త రేషన్‌కార్డుదారులకు వచ్చే నెలలో వీటిని జారీ చేయనుంది.
News July 5, 2025
ఆస్పత్రి నుంచి కేసీఆర్ డిశ్చార్జ్
TG: మాజీ సీఎం, బీఆర్ఎస్ అధినేత కేసీఆర్ ఆస్పత్రి నుంచి డిశ్చార్జ్ అయ్యారు. ఆయన HYDలోని నందినగర్ నివాసానికి చేరుకున్నారు. రెండు రోజులపాటు అక్కడే ఉండనున్నారు. ఇటీవల అస్వస్థతకు గురైన కేసీఆర్ సోమాజిగూడ యశోద ఆస్పత్రిలో చేరిన సంగతి తెలిసిందే.